Zasoneka Matai 1:1-25
1 Nkand’a lusansu* lwa Yesu Kristu* wa mwan’a Davidi,+ wa mwan’a Abarayama:+
2 Abarayama wawuta Isaki;+Isaki wawuta Yakobo;+Yakobo wawuta Yuda+ ye mpangi zandi;
3 Yuda yo Tama bawuta Perese yo Zera;+Perese wawuta Keserone;+Keserone wawuta Rami;+
4 Rami wawuta Aminadabi;Aminadabi wawuta Nakesone;+Nakesone wawuta Salemone;
5 Salemone yo Rakabi+ bawuta Boaze;Boaze yo Rute+ bawuta Obede;Obede wawuta Yisai;+
6 Yisai wawuta Davidi+ wa ntinu.
Davidi wawuta Solomo+ muna nkento ona wateka kala nkaz’a Uriya;
7 Solomo wawuta Rekabame;+Rekabame wawuta Abiya;Abiya wawuta Asa;+
8 Asa wawuta Yosafate;+Yosafate wawuta Yorame;+Yorame wawuta Uziya;
9 Uziya wawuta Yotame;+Yotame wawuta Akazi;+Akazi wawuta Kizekeya;+
10 Kizekeya wawuta Manase;+Manase wawuta Amone;+Amone wawuta Yosiya;+
11 Yosiya+ wawuta Yekoneya+ ye mpangi zandi muna kolo kianatwa Ayuda kuna Babele.+
12 Vava bakala kuna Babele, Yekoneya wawuta Saletiele;Saletiele wawuta Zerubabele;+
13 Zerubabele wawuta Abiudi;Abiudi wawuta Eleyakime;Eleyakime wawuta Azo;
14 Azo wawuta Sadoke;Sadoke wawuta Akimi;Akimi wawuta Eleyude;
15 Eleyude wawuta Elaza;Elaza wawuta Matani;Matani wawuta Yakobo;
16 Yakobo wawuta Yosefe wa nkaz’a Maria, ndiona wawuta Yesu,+ ona oyikilwanga vo Kristu.+
17 Ozevo, mbandu zawonso tuka muna Abarayama yamuna Davidi, mbandu 14; tuka muna Davidi yavana Ayuda banatwa kuna Babele, mbandu 14; tuka kianatinua Ayuda kuna Babele yamuna Kristu, mbandu 14.
18 O luwutuku lwa Yesu Kristu owu lwakadila. Muna kolo kina Maria wa ngudi andi kazitikilwa kwa Yosefe, wamoneka ye vumu kia mwand’avelela*+ una ke bakazalele ko.
19 Kansi, wau vo Yosefe wa nkaz’andi nkwa unsongi, kazola kumfusulwisa nsoni ko, wazola vonda o longo kuna kinsweki.+
20 Vava kayindula e diambu diadi, mbasi a Yave* omonekene kwa yandi muna ndozi, oku vo: “E Yosefe wa mwan’a Davidi, kumoni wonga ko wa bonga Maria wa nkaz’aku, kadi kina kayimiti mu mwand’avelela kayimitini kio.+
21 Mwan’a yakala kewuta, okumvana e nkumbu a Yesu,*+ kadi yandi ovuluza nkangu andi muna masumu mau.”+
22 Mawonso mama mavangamene kimana dialungana dina diavovua kwa Yave* muna ngunz’andi, oku vo:
23 “Tala! O mwenze oyimita yo wuta mwan’a yakala, bekumvana e nkumbu vo Imanuele,”+ ina ye nsasa vo, “Nzambi Una Yeto.”+
24 I bosi, Yosefe osikamene kuna tulu, ovangidi una kakanikinu kwa mbasi a Yave,* obongele nkaz’andi.
25 Kansi, kavukana yandi ko yavana kawuta mwan’a yakala,+ wamvana e nkumbu a Yesu.+
Mvovo vana yand'a lukaya
^ Yovo “luvila.”
^ Yovo “Masia; Kuswa.”
^ Yovo “ngolo za Nzambi.”
^ Ekiaki i fulu kiantete muna fulu 237 mwasonama e nkumbu a Nzambi, Yave muna Sono ya Kingerekia ya Kikristu omu nsekola yayi. Tala Nku. A5.
^ Muna Kiyibere Yesua yovo Yosua, ina ye nsasa vo: “Yave i Mvuluzi.”
