Zasoneka Maku 16:1-8
-
Yesu ofulukidi (1-8)
16 E Lumbu kia Vundu+ vava kiavioka, Maria Mandala yo Maria+ wa ngudi a Yakobo, yo Salome, basumbidi má yansunga, kimana benda yo kusa muna vimbu diandi.+
2 Muna mene-mene, muna lumbu kiantete kia lumingu, vava kiavaika e ntangwa, balweke vana ziami.+
3 Bavovaziane vo: “Nani okutukatulwila e tadi vana nu’a ziami?”
4 Kansi, vava batadidi, bamwene vo e tadi dikatwilu kala, kana una vo diampwena kikilu diakala.+
5 Vava bakotele muna ziami, bamwene toko ovuende kuna koko kwalunene, ovuete mvuel’ampembe, basivikidi kikilu.
6 Ubavovese vo: “Ke lumoni wonga ko.+ Nzeye wo vo Yesu wa Nazarete ona wavondelo vana nti nuvavanga. Ofulukidi kwandi.+ Kena mo ko. Nutal’e fulu banlekesa!+
7 Nuenda zayisa kwa alongoki andi yo Petelo vo: ‘Vita kekunuvita kuna Ngalili.+ I kûna nukumwena, wauna kanuzayisa.’”+
8 Vava bavaikidi muna ziami, batinini, bazakamene yo sivika. Ke bazayisi diambu kwa muntu ko, kadi wonga bamwene.*+
