Zasoneka Maku 13:1-37

  • MBANINU A TANDU (1-37)

    • Vita, nzakama za ntoto, mvengele (8)

    • Nsangu zambote zisamunua (10)

    • Mpasi zayingi (19)

    • Ngiz’a Mwan’a muntu (26)

    • Kingana kia nsanda (28-31)

    • Nukwamanana yingila (32-37)

13  Ekolo kavaikidinge muna tempelo, nlongoki andi mosi umvovese vo: “E Nlongi, tala matadi mama ye nzo zazi o wete!”+  Kansi, Yesu umvovese vo: “Nga omwene nzo zazi zampwena? Ovava ke vesala tadi vana ntandu a tadi ko, dina dilembi kunkumunua.”+  Ekolo kavuende vana Mongo a Olive mantalani ye tempelo, Petelo, Yakobo, Yoane yo Andere banyuvuidi vana va yau kaka, oku vo:  “Utuzayisa, nkia ntangwa mekala o mambu mama? Nkia sinsu kisonga vo mambu mama mawonso se melwaka ku mbaninu?”+  Yesu oyantikidi kubavovesa vo: “Nutoma kuyikenga nualembi vukumunua kwa konso muntu.+  Ayingi bekwizila muna nkumbu ame yo vova vo: ‘Mono i Kristu,’ yo vukumuna wantu ayingi.  Vava nuwá vita ye nsangu za vita, ke nutelamua mioyo ko; mambu mama mafwete vangama, vo i mbaninu ke yayizidi ntete ko.+  “Kadi zula kitelamena zula, kintinu kitelamena kintinu;+ mukala nzakama za ntoto muna zunga eki ye kiankaka; mukala mpe mvengele.+ Mambu mama i lubantiku lwa nsongo.+  “Vo i yeno, nutoma kuyikenga. O wantu bekunuyekola kuna mbazi za nkanu,+ bekunuwanda muna masambilu,+ yo telameswa vana ndose za ayadi ye atinu muna kuma kiame, muna umbangi kwa yau.+ 10  Muna zula yawonso mpe, e nsangu zambote zisamunua entete.+ 11  Avo banubakidi muna kunuyekola kuna mbazi a nkanu, ke nutokani ko kana adieyi nuvova; konso dina nuvewa muna ntangwa yayina, i diau nuvova, kadi ke yeno ko nuvova, kansi mwand’avelela kaka.+ 12  Kuna diaka e sambu, mpangi oyekola mpangi andi kavondwa, o se mpe mwan’andi, o wana betelamena mase mau yo kubavondesa.+ 13  Wantu awonso bekunumenga mu kuma kia nkumbu ame.+ Kansi ndiona ozindalala yakuna mbaninu,+ yandi ovuluzwa.+ 14  “Kansi, vava numona e lekwa kiangemi eki kitwasanga lufwasu+ kitelamene vana ke kifwete kala ko, (yambula o ntangi kasadila o umbakuzi), awana bena muna Yuda yambula batinina muna miongo.+ 15  Ndiona una vana nludi a nzo kakulumuki ko, ngatu kota muna nzo andi kabonga lekwa kina mo; 16  ndiona una kuna mpatu kavutuki ku nzo ko mu kwenda bonga kinkutu kiandi. 17  Tâtu kwa akento bayimita ye awana beyemeka muna lumbu yayina!+ 18  Nusambanga kimana ediadi dilembi vangama mu nsungi a sivu; 19  kadi e lumbu yayina ikala se lumbu yampasi,+ e mpasi zina ke zateka kala ko tuka kuna lubantiku lwa nsema una kasema Nzambi yamu wau, ke zikala diaka ko.+ 20  Kele vo Yave* kakufiki e lumbu yayina ko, nga ke vadi vuluka nkutu muntu ko, kansi mu kuma ki’awana basolwa, wakufika e lumbu yayina.+ 21  “Diau dimosi mpe, avo muntu unuvovese vo: ‘Nutala! O Kristu wina vava,’ yovo ‘Okûna kena!’ ke nukwikila wo ko.+ 22  Kadi Kristu zaluvunu ye ngunza zaluvunu zibundumuka+ yo vanga sinsu ye masivi mu vava vukumuna awana basolwa. 23  Vo i yeno, nuyikenga.+ Ntekele kunuzayisa mawonso. 24  “Muna lumbu yayina, vava kifokoka e mpasi zazina, o ntangwa obukama e tombe, e ngonde ke ivana diaka miezi ko,+ 25  e ntetembwa zibetomoka tuka kuna zulu, e lekwa ya zulu inikunua. 26  I bosi, bemona o Mwan’a muntu+ okwizila muna matuti ye nkum’ayingi yo nkembo.+ 27  Otuma mbasi zandi, balungalakesa awana basolwa muna konko* yá, tuka kuna nsuk’a nza yakuna nsuka e zulu.+ 28  “Nulongoka kingana eki muna nsanda: Vava tayi yandi isavukanga yo vaikisa makaya, nuzayanga wo vo e nsungi a mvula ifinamene.+ 29  Diau dimosi mpe, oyeno avo numwene mambu mama mavangamene, nuzaya wo vo ofinamene, va mwelo se kena.+ 30  Kieleka, inuvovese vo, e mbandu yayi ke ikuyifwila nkutu ko yavana mambu mama mawonso mevangama.+ 31  E zulu ye nza vioka ivioka,+ kansi mambu mame ke mevioka nkutu ko.+ 32  “Mu kuma kia lumbu kiakina yovo ola, ke vena muntu ko ozeye kio, kana nkutu ambasi kuna zulu ngatu Mwana, kansi Se kaka.+ 33  Nutoma tala, nuyingila,+ kadi ke nuzeye yo ko e ntangwa yasikidiswa.+ 34  Diau dimosi yo muntu wele mu nkangalu, osisidi nzo andi, ovene wisa kwa ntaudi zandi,+ konso muntu ye salu kiandi, yo kanikina nyingidi a mwelo vo kayingilanga.+ 35  Dianu vo, nukwamanana yingila, kadi ke nuzeye yo ko e ntangwa kekwiza o mfumu a nzo,+ kana mu masika yovo mu dingi-dingi yovo vitila nkielelo a kuma,* yovo mu mene-mene,+ 36  kimana vava kelwaka kuna kinsalukisa, kalembi kunuwana ku nsi a tulu.+ 37  Kansi, owu inuvovese, mpovele wo mpe kw’awonso: Nukwamanana yingila.”+

Mvovo vana yand'a lukaya

Mvovo wa sina: “tembwa.”
Mvovo wa sina: “vava nsusu zikokolanga.”