Luvaiku 11:1-10
11 Yave ovovese Mose vo: “Vuku kimosi diaka itwasa kwa Faro ye Engipito. I bosi, okunusindika.+ Vava kekunusindika, yinga kikilu kekunuyinga mwamu.+
2 Owau, vovesa nkangu vo akala ye akento awonso bafwete lomba lekwa ya palata ye ya wolo kwa mfinangani zau.”+
3 Yave omwesese nkangu a Isaele e dienga vana meso ma esi Engipito. Vana ntandu, Mose wakituka se muntu watoma zitiswanga muna nsi ya Engipito vana vena e ntaudi za Faro yo nkangu.
4 Mose ovovele vo: “I wau wuwu kavovele o Yave: ‘Muna tezo kia midi mia mpimpa iviokela vana kati kwa Engipito,+
5 o wan’antete awonso muna nsi ya Engipito fwa befwa,+ tuka muna mwan’antete a Faro ona ovuende vana kunda kiandi kia kimfumu* yamuna mwan’antete a ntaudi ankento ona osalanga vana tadi dia nikina ye wan’awonso antete a twelezi.+
6 Kazu kiangolo kikala muna nsi yawonso ya Engipito, kina ke kisidi kala ko ye ke kisinga kala diaka ko.+
7 Kansi, kana nkutu mbwa ke iwokela Aneyisaele ko, kana wantu yovo twelezi yau, kimana nuazaya wo vo Yave olenda sia nswaswani vana vena esi Engipito ye Aneyisaele.’+
8 Kieleka, e ntaudi zaku zawonso zikulumuka kwa mono yo kumvumbamena yo vova vo: ‘Nuenda, ongeye yo nkangu awonso ukulandanga.’+ I bosi ivaika.” Muna diadi, Mose okatukidi vana ndose a Faro kuna makasi mayingi.
9 I bosi, Yave ovovese Mose vo: “O Faro kekuwila ko,+ kimana masivi mame mawokela omu nsi ya Engipito.”+
10 Mose yo Arone bavangidi masivi mama mawonso vana ntadisi a Faro,+ kansi Yave oyambwidi vo Faro kabadisa o ntim’andi yo lembi vaikisa Aneyisaele muna nsi andi.+
Mvovo vana yand'a lukaya
^ I sia vo, Faro ona wayalanga muna kolo kiakina.
