Lusengomono kwa Yoane 6:1-17

  • Mwan’a meme okatwidi e dimbu sambanu yantete (1-17)

    • O nsundi muna mvalu ampembe (1, 2)

    • Ndiona ofongele vana mvalu wambwaki okatwidi luvuvamu (3, 4)

    • Ndiona ofongele vana mvalu wandombe otwese mvengele (5, 6)

    • Ndiona ofongele vana mvalu wavesoka nkumbu andi Lufwa (7, 8)

    • Awana bavondelwa kuna nsi a ziku (9-11)

    • Nzakam’angolo ya ntoto (12-17)

6  Mbwene Mwan’a meme+ vava kakatwidi dimbu kimosi vana vena dimbu yau nsambwadi,+ ngwidi kimosi muna vangwa yau yá yamoyo+ kivovele muna ndinga nze ya mwandazi* vo: “Wiza!”  Mbwene mvalu wampembe,+ ndiona ofongele wo una ye mfumba; oveno kolowa,+ ovaikidi, wele sundinge yo fokola e nsund’andi.+  Vava kakatwidi e dimbu kianzole, ngwidi vangwa kiamoyo kianzole+ kivovele vo: “Wiza!”  Vavaikidi mvalu wankaka, wambwaki, ndiona ofongele wo oveno nswa wa katula luvuvamu ova nza kimana wantu bavondaziana, oveno mpe nsosolo ampwena.+  Vava kakatwidi e dimbu kiatatu,+ ngwidi vangwa kiamoyo kiatatu+ kivovele vo: “Wiza!” Mbwene mvalu wandombe, ndiona ofongele wo una ye balanza vana koko.  Ngwidi ndinga vana kati kwa vangwa yau yá yamoyo, ivovele vo: “Kilo kimosi kia masa muna denali* mosi,+ yilo tatu ya bale muna denali mosi, kufwasi mazi ma olive ye vinyu ko.”+  Vava kakatwidi e dimbu kiayá, ngwidi e nding’a vangwa kiamoyo kiayá,+ ivovele vo: “Wiza!”  Mbwene mvalu wavesoka,* ndiona ofongele wo nkumbu andi Lufwa. E Ziami* kinlende lukufi. Baveno e wisa muna tini kiayá kia nza, bavondela muna nsosolo wanda ye muna mvengele,+ ye muna vuku yampondi ye muna bulu yansisi ya nza.+  Vava kakatwidi e dimbu kiatanu, mbwene kuna nsi a ziku+ e mioyo*+ mia awana bavondwa mu kuma kia diambu dia Nzambi ye mu kuma kia umbangi basia.+ 10  Bavovele muna nding’angolo, oku vo: “E Mfumu Nzambi wavauka ye waludi,+ yamu nkia kolo ovingila muna fundisa awana bekalanga ova nza yo landila menga meto e kunda?”+ 11  Konso muntu muna yau oveno mvuatu ampembe,+ bavoveso vo bavunda mu kolo kiakete yavana kilunga o lutangu lwa akwau ntaudi ye mpangi zau, ana bevondwa wauna oyau bavondelwa.+ 12  Mbwene vava kakatwidi e dimbu kia sambanu, vakedi nzakama yangolo ya ntoto; ntangwa ikitukidi yandombe nze nlele a ndombe,* ngonde yawonso ikitukidi nze menga,+ 13  e ntetembwa za zulu zisotokele ova nza nze nsanda usotolanga bundu yankunzu avo unikwinu kwa tembwa kiangolo. 14  E zulu dikatukidi nze nkanda uzingilu,+ e miongo miawonso ye sanga yawonso ikatwilu vana fulu yau.+ 15  E ntinu mia nza, akwa tunda, mfumu za makesa, mvuama, akwa ngolo, ntaudi zawonso ye avevoki awonso, baswekamene muna nduka ye muna matadi ma miongo.+ 16  Bakwamanene vovesa miongo ye matadi vo: “Nutubwila+ yo kutusweka vana ndose a Ndiona ovuende vana kunda+ ye muna makasi ma Mwan’a meme,+ 17  e kuma kadi e lumbu kianene kia makasi mau kilweke,+ nani olenda telamena?”+

Mvovo vana yand'a lukaya

Yovo “mbandanu.”
Nzimbu za palata za esi Roma. I mfutu a salu kia lumbu kiamvimba. Tala Nku. B14.
Yovo “Hades,” i sia vo, ziami kia wantu awonso. Tala Nsas’a Mvovo.
Yovo “wasêboka.”
I menga oma mesimbanga o moyo mana mabungulwa vana ziku. Tala Nsas’a Mvovo.
Mvovo wa sina: “nze ngoto ya mika.” Nanga mika mia nkombo a koko.