Zasoneka Luka 24:1-53

  • Yesu ofulukidi (1-12)

  • Muna nzil’a Emau (13-35)

  • Yesu omonekene kwa alongoki (36-49)

  • Yesu otombokele kuna zulu (50-53)

24  Kansi, muna lumbu kiantete kia lumingu, muna mene-mene bezidi oku ziami, batwese lekwa yansunga ina bakubikidi.+  Kansi bawen’e tadi diakala vana nu’a ziami dianengomonua,+  vava bakotele, ke bawene mo vimbu dia Mfumu Yesu ko.+  Ekolo betokananga mu kuma kia diambu diadi, wantu wole ye mvuatu miau mikezimanga batelamene vana bena.  Akento bamwene o wonga, babukikidi ndose zau, ozevo wantu awaya babavovese vo: “Ekuma nuvavilanga muntu amoyo vana vena mafwa?+  Kena mo ko, ofulukidi. Nusungamena una kanuvovesa vava kakala kuna Ngalili,  oku vo, o Mwan’a muntu kafwete yekolwa kw’asumuki yo vondelwa vana nti yo fuluka muna lumbu kina kiatatu.”+  I bosi, basungamene mvovo miandi,+  bakatukidi kuna ziami, bele samuna mambu mama mawonso kuna kwa yau Kumi ye Mosi ye kw’awonso.+ 10  Akento awaya i Maria Mandala yo Yoana yo Maria wa ngudi a Yakobo. Akaka muna akento bakedi yau bazayisi mpe mambu mama kwa antumwa. 11  Kansi, wau vo mambu mama kuna kwa yau makedi nze ma uzowa, ke bakwikidi akento ko. 12  Kansi Petelo otelamene, wele ntinu kuna ziami,* oyenzamene, okengelele, omwene kaka nlele mia lino. Ovutukidi yo sivika dina divangamene. 13  Muna lumbu kiakina mpe, nwole vana bena, bayendanga kuna vata diyikilwanga vo Emau, tezo kia kilometa kumi ye mosi* tuka kuna Yerusaleme, 14  bamokenenge mu kuma kia mambu mawonso mavangamene. 15  Vava bamokenenge yo yuvuziana mambu mama, o Yesu yandi kibeni ofinamene, oyantikidi kwenda yau, 16  kansi meso mau makakwa kimana balembi kunsungamena.+ 17  Ubavovese vo: “Nkia mambu mama numokenanga wau nukwendanga?” Baningamene, bakendalele. 18  Omosi, nkumbu andi Keleopa, umvutwidi vo: “Nga u nzenza ye ngeye mosi kaka okalanga muna Yerusaleme olembele zayila mambu mabwidi mu lumbu yayi e?” 19  Ubayuvuidi vo: “Nkia mambu?” Bamvovese vo: “Mambu ma Yesu wa Nazarete,+ ona wasonga e ziku vo ngunza, wakumama muna mavangu ye mvovo vana ndose a Nzambi yo kwa nkangu wawonso;+ 20  ye mpila nganga zambuta ye akuluntu eto banyekolwele kimana kazengelwa tumbu kia lufwa+ yo kunkoma vana nti. 21  Kansi oyeto twavingilanga vo yandi kikilu okûla Isaele.+ Vana ntandu a mama mawonso, o unu i lumbu kiatatu, tuka kiabwididi e mambu mama. 22  Akento akaka va kati kweto batusivikisi kikilu, kadi mu mene-mene bele kuna ziami,+ 23  wau ke bawene vimbu diandi ko, bavutukidi yo vova mpe vo mona-meso kia ambasi bamwene, ana bavovele vo una o moyo. 24  Ankaka mpe bena yeto, bakwenda kuna ziami,+ bawene kio wauna akento bavovele, kansi ke bansolwele ko.” 25  Ubavovese vo: “Oyeno minkondwa umbakuzi, akwa fuki muna kwikila mawonso mavovua kw’angunza! 26  Nga ke diavavanga ko vo Kristu kamona mpasi zazi+ yo kota muna nkembo andi e?”+ 27  Oyantikidi kubasasila mambu ma yandi kibeni muna Sono yawonso, tuka muna Mose ye Ngunza zawonso.+ 28  Vava bafinamene kuna vata dina bekwendanga, ovangidi nze yandi ozolele vioka kuna ntwala. 29  Kansi, bandodokele, oku vo: “Kala yeto, kadi se masika, o kuma se kufwa.” Okotele, okedi yau. 30  Ekolo kedianga yau vana meza, obongele mbolo, osambwidi, obukunuini yo, oyantikidi kubakayila.+ 31  Vana vau o meso mau matemokene, banzayididi; kansi ovididi vana bena.+ 32  Bavovaziane vo: “Nga ntima mieto ke miyangalelenge* ko wau kamokenenge yeto muna nzila yo toma kutusasila e Sono e?” 33  Muna ntangwa yayina, batelamene, bavutukidi kuna Yerusaleme, bele wana yau Kumi ye Mosi ye awana balungalakene yau, 34  bavovele vo: “O Mfumu ofulukidi kikilu, omonekene kwa Simone!”+ 35  I bosi, bazayisi o mambu mavangamene muna nzila ye una kayisongele kwa yau vava kabukunuini e mbolo.+ 36  Vava bavovelenge mambu mama, yandi kibeni otelamene vana kati kwau, ubavovese vo: “Yambula luvuvamu lwakala yeno.”+ 37  Kansi bamwene o wonga yo zakama, babenze vo mwanda bamwene. 38  Ubavovese vo: “Ekuma nutelamenu’e mioyo? Ekuma nukatikisilanga muna ntima mieno? 39  Nutala moko mame ye tambi yame, i mono kwame; nunsimba, nuatala, kadi mwanda ke una ye nitu ye visi ko, nze yayi numbwene yau.” 40  Vava kavovele mambu mama, ubasongele o moko ye tambi yandi. 41  Kansi wau balembele kwikila mu kuma kia kiese yo sivika, ubavovese vo: “Nga lekwa kia dia nuina kiau?” 42  Bamvene tini kia mbizi a maza yayangwa, 43  otambwidi kio, odididi kio vana bena. 44  I bosi, ubavovese vo: “I mau mama o mambu mame yanuvovesa vava yakala yeno vo,+ mambu mawonso masonama mu kuma kiame muna Nsiku a Mose ye muna Ngunza ye muna Nkunga, mafwete lungana.”+ 45  I bosi, ubaziwidi e ntima kimana babakula e Sono,+ 46  ubavovese vo, “I wau wasonama vo: O Kristu omona e mpasi yo fuluka muna mafwa muna lumbu kiatatu,+ 47  o luviluku lwa ntima yo luloloko lwa masumu+ lusamunuinua muna nkumbu andi muna zula yawonso+—tuka kuna Yerusaleme.+ 48  Oyeno nu mbangi za mambu mama.+ 49  Wá, ikunutwikila dina o Se diame kasila o nsilu. Kansi oyeno nukala mu mbanza yavana nuvuikwa o nkuma utuka muna kayengele.”+ 50  I bosi, wele yau yakuna Betania, ozangwidi o moko mandi, ubasambwidi. 51  Ekolo kabasambwidinge, ubasisidi, oneto kuna zulu.+ 52  Bamvumbamene* yo vutuka kuna Yerusaleme ye kiese kiayingi.+ 53  Ntangwa zawonso bayendanga kuna tempelo yo kembelela Nzambi.+

Mvovo vana yand'a lukaya

Yovo “ziami kia luyindulu.”
Mvovo wa sina: “stadia 60.” E stadia mosi, meta 185. Tala Nku. B14.
Yovo “ke mizinininge.”
Yovo “Bamfukamene.”