Kimpovi 8:1-17
8 Nani una nze i nkwa ngangu? Nani ozeye e nzengo za diambu?* E ngangu za muntu zikezimisanga lose lwandi yo zezesa lose lwandi lwakangama.
2 Mpovele vo: “Lemvokela lutumu lwa ntinu,+ kadi ndofi wadia vana ndose a Nzambi.+
3 Kukatuki vana ntadisi andi mu nzaki ko.+ Kuyikami diambu diambi ko;+ kadi oyandi olenda vanga konso dina kazolele,
4 kadi e mvovo mia ntinu ke misobwanga ko;+ nani olenda kumvovesa vo: ‘Adieyi ovanganga e?’”
5 Ndiona olemvokelanga o nkanikinu ke mona mpasi ko,+ o ntim’a ngangu uzaya e ntangw’ambote ye mpila yambote ya vangila e diambu.+
6 Kadi konso diambu dina ye ntangwa ye mpila ya vangila dio,+ kadi e ntokani za wantu zayingi.
7 Wau vo ke vena muntu ko ozeye dina divangama, nani olenda kunzayisa una divangamena?
8 Wauna o muntu kenena ye wisa ko muna mwanda* yovo simbinina o mwanda, ke vena muntu ko una ye wisa muna lumbu kia lufwa.+ Wauna o kesa kalembi yambulwilwanga muna ntangwa vita, e mbi ke ivukisa ko awana bevanganga yo.*
9 Mbwene mawonso mama, nsidi e sungididi muna salu yawonso isalwanga oku nsi a ntangwa, ekolo kiawonso kina o muntu keyalanga nkwandi muna kumwesa e mpasi.*+
10 Yamona wantu ambi bazikwanga, ana bakotanga yo vaika muna fulu kiavauka, kansi bavilakanua vana vau muna mbanza ina bavangilanga o bi.+ Ediadi mpe i mpavala kwandi.
11 Wau vo e tumbu mu kuma kia diambu diambi ke kiveno vana vau ko,+ e ntima mia wantu mizadidi yo unkabu wa vanga o bi.+
12 Kana una vo nsumuki ovanga o bi nkumbu nkama yo zinga kolo kiayingi, kansi nzeye wo vo e mbaninu ya awana bevuminanga Nzambi aludi yambote kaka ikala, kadi Nzambi bevuminanga.+
13 Kansi, e mbaninu ya muntu ambi ke ikala yambote ko,+ ke lambula lumbu yandi ko eyi ina nga kini,*+ kadi ke vuminanga Nzambi ko.
14 Vena ye diambu diampavala* divangamanga ova nza: Vena yo wantu ansongi bevangilwanga mambu nga yimpumbulu,+ vena yo wantu ambi bevangilwanga mambu nga ansongi.+ Mpovele vo ediadi mpe i mpavala kwandi.
15 Muna kuma kiaki nsanisini e kiese,+ kadi ke vena diambu disundidi ko kwa muntu oku nsi a ntangwa avo ke dia yo nua ko yo mona e kiese; ediadi dikala yandi ekolo kefuntukanga muna lumbu yawonso ya zingu kiandi,+ ina o Nzambi aludi kamvene oku nsi a ntangwa.
16 Yasia e ngolo za vua ngangu yo mona mambu mawonso* mevangamanga ova ntoto,+ kialekanga nkutu ko fuku yo mwini.*
17 I bosi, mbadikidi e salu yawonso ya Nzambi aludi, mbakwidi vo wantu ke balendi bakula ko mana mevangamanga oku nsi a ntangwa.+ Kana nkutu nkia ngolo bavanga o wantu, ke balendi mo bakula ko. Kana nkutu bavovele vo ngangu zafwana bena zau mu zaya, ke balendi mo kikilu bakula ko.+
Mvovo vana yand'a lukaya
^ Yovo “ozeye sasila e diambu.”
^ Yovo “fulumwinu; mupepe.”
^ Nanga, “e mbi ya wantu ambi ke ilendi kubavukisa ko.”
^ Yovo “kumvanga e mbi.”
^ Yovo “ninga.”
^ Yovo “diambu diantokani.”
^ Yovo “mona e salu yawonso.”
^ Nanga, “o wantu ke bemonanga tulu ko, kiakala mu fuku yovo muna mwini.”
