Kimpovi 11:1-10

  • Toma sadila konso lau (1-8)

    • Tuba e mbolo aku muna maza (1)

    • Kuna e mbongo tuka muna mene yakuna masika (6)

  • Sadila kileke mu mpila yambote (9, 10)

11  Tuba* e mbolo aku muna maza,+ kadi vava kivioka lumbu yayingi osolola yo diaka.+  Kayila e ndambu a kina ovuidi kwa nsambwadi yovo nkutu kwa nana,+ kadi kuzeye ko e sumbula* kibwa ova ntoto.  Avo matuti mazadidi yo maza, meyitila e mvula ova ntoto; avo nti ubwididi kuna sude yovo kuna node, e fulu kina o nti ubwididi i vana ukala.  Ndiona otalanga e tembwa ke kuna mbongo ko, ona otalanga matuti ke kutika ko.+  Wauna kuzayidi ko una o mwanda usadilanga muna visi ya mwana una muna vumu* kia nkento wayimita,+ i una mpe kuzayidi ko e salu kia Nzambi aludi, ona ovanganga lekwa yawonso.+  Kuna e mbongo aku muna mene, kuvundisa moko maku ko yavana kuma kufwa;+ kadi kuzeye ko ayeyi ivana nluta, kiakala eyi yovo yayina, yovo zau zole zambote zikala.  O ntemo wambote, diambote kwa meso mu tala e ntangwa.  Muna kuma kiaki, avo muntu ozingidi mvu miayingi yambula kamwena miawonso e kiese.+ Kansi, kafwete sungamena vo e lumbu ya tombe ilenda kala yayingi; mawonso mekwiza i mpavala kwandi.+  E nleke yangalala ekolo wakinu nleke, yambula o ntim’aku wayangalala muna lumbu ya kileke kiaku. Landa e nzila za ntim’aku, wenda kuna o meso maku mekufila; kansi zaya wo vo Nzambi aludi okufundisa* muna mambu mama mawonso.+ 10  Ozevo, katula mambu ma ntokani muna ntim’aku yo vengomona mambu mampasi muna nitu aku,* kadi e kileke ye nsungi ambote ya zingu yankufi.*+

Mvovo vana yand'a lukaya

Yovo “Twika.”
Yovo “mpasi.”
Mvovo wa sina: “visi muna vumu.”
Yovo “okutesesa mbalu.”
Mvovo wa sina: “muna nsuni aku.”
Mvovo wa sina: “i mpavala kwandi.”