Kimpovi 1:1-18
1 E mvovo mia nkutakesi,*+ wa mwan’a Davidi, wa ntinu muna Yerusaleme.+
2 “I mpavala kikilu!”* ukavovele o nkutakesi,“I mpavala kikilu! Mambu mawonso i mpavala kwandi!”+
3 Nkia nluta kevua o muntu muna salu yandi yawonso yangoloIna kefuntukinanga oku nsi a ntangwa e?+
4 Mbandu ikwenda, mbandu ikwiza,Kansi, o ntoto ukwamanana* yakwele mvu.+
5 E ntangwa ivaika,* e ntangwa idimuka;I bosi, ivutukanga mu nzaki kuna fulu kina ivaikila diaka.+
6 E tembwa kivevomoka kuna sude yo zietomoka kuna node;Kizietomoka yo kwamanana zietomoka; e tembwa kikwamanana vanga nzietomoka zandi.
7 E nkoko miawonso* mikukulanga yo bwa muna kalunga, kansi kwau ke kuzadi.+
Kuna kutukanga e nkoko, i kuna mpe mivutukanga yo kukula diaka.+
8 Mambu mawonso yoyesa meyoyesanga;Kavena muntu ko olenda sasila mambu mawonso.
E disu ke diyukutanga ko mu mana kemonanga;O kutu mpe ke kuzalanga ko mu mana kewanga.
9 Dina diateka kala, i diau dikala diaka,Dina diateka vangama, i diau divangama diaka;Ke vena diambu diampa ko oku nsi a ntangwa.+
10 Nga vena ye lekwa kina muntu kalenda yika vo: “Tala, e lekwa kiaki kiampa”?
E lekwa kiokio kiateka kala tuka kolo;E lekwa kiokio kiateka kala vitila tandu kieto.
11 Ke vena muntu ko osungamenanga awana bazinga muna tandu yankulu;Kavena muntu ko osungamena awana belanda;Awaya mpe ke besungamenua ko kwa awana bekubalandila.+
12 Omono nkutakesi, yakituka se ntinu a Isaele muna Yerusaleme.+
13 Muna ngangu,+ yasia sungididi kia longoka yo fimpulula mawonso mevangamanga ova ntoto+—e salu kiampasi kina Nzambi kavana kwa wan’a wantu, kina befuntukinanga.
14 Mbwene e salu yawonso isalwanga oku nsi a ntangwa,Kinga, mambu mawonso i mpavala, i landa e tembwa.+
15 Kina kiatekama ke kilendi singikwa ko,Kina kikondelo ke kilendi tangwa ko.
16 I bosi, mpovele muna ntim’ame vo: “Tala, mvuidi ngangu zayingi, vioka konso ona wampita muna Yerusaleme,+ o ntim’ame ukitukidi se wangangu yo zayi wayingi.”+
17 Yavanga e ngolo za zaya e ngangu, za zaya ulau* yo zaya uzowa,+ ediadi mpe i landa e tembwa.
18 Kadi o ulolo wa ngangu i utwasanga ulolo wa ntokani,Ozevo, konso ona owokesa o zayi, owokesa e mpasi.+
Mvovo vana yand'a lukaya
^ Yovo “ndiona obokelesanga wantu.”
^ Yovo “vavala.”
^ Mvovo wa sina: “utelama.”
^ Yovo “ikezima.”
^ Yovo “E nkoko miawonso mia nsungi.”
^ Yovo “uzowa wasaka.”
