Afundisi 5:1-31
5 E lumbu kiakina, Debora+ yo Baraki+ wa mwan’a Abinoa, bayimbidi nkunga owu:+
2 “Mu kuma kia nsuki zalembi kangwa* muna Isaele,Mu kuma kia nkangu ukivene kuna mvevo,+Nukembelela Yave!
3 Nuwá oyeno atinu! Nutamba o matu, oyeno amfumu!
Omono iyimbidila Yave.
Kembelela ikembelela Yave+ wa Nzambi a Isaele.+
4 E Yave, vava wavaika kuna Seyire,+Vava wadiata tuka kuna mvivu a Edome,E nza yazakama, e zulu dia nokaO matuti mafukumuna maza.
5 E miongo miazeloka* vana ndose a Yave,+Kana nkutu i Sinai, yazeloka vana ndose a Yave+ wa Nzambi a Isaele.+
6 Muna lumbu ya Sanga+ wa mwan’a Anati,Muna lumbu ya Yaele,+ e nzila za sala e nkatu;E minduti a nzila mu nzila za nzenga baviokelanga.
7 Muna mavata ma Isaele ke mwakala diaka wantu ko;Ke mwakala diaka wantu ko, yavana yabundumuka omono Debora,+Yavana yabundumuka se ngudi muna Isaele.+
8 Basola nzambi zampa;+I bosi, e vita zanuanua muna mavitu.+
E ngubu ye maswanga ke mamonekanga diaka ko,Vana vena 40.000 muna Isaele.
9 O ntim’ame muna mfumu za makesa ma Isaele wina,+Ana bayendela kuna mvevo kumosi yo nkangu.+
Nukembelela Yave!
10 Oyeno nukwendelanga muna mabuluku ma se kia lukaya lwa yuma,Oyeno nuvuende vana mateva mambote,Oyeno nukangadilanga muna nzila,Nutoma dio yindula!
11 E ndinga za ateki a maza zawakana muna sima ya maza;Mwamuna i basamunuina mavangu mansongi ma Yave,Mavangu mansongi ma nkangu a mavata ma Isaele.
O nkangu a Yave ukulumukini muna mavitu.
12 Sikama, sikama e Debora!+
Sikama, sikama, yimbila nkunga!+
E Baraki, telama!+ Nata abakami aku, ongeye mwan’a Abinoa!
13 Ana basala bakulumukini kwa akwa zitu;Nkangu a Yave ukulumukini oku ngina mu nuanisa mbeni za Isaele.
14 Ana bakala vana ndimba, esi Eferaime;E Benyamini, ngeye belandanga vana vena nkangu aku.
Mfumu za makesa bakulumukini tuka kuna Makire,+Kuna Zebulune awana bena ye mvuala* ya nsoneki a makesa.
15 Akuluntu a Yisakare bakala yo Debora,Wauna Yisakare kakadila yo Baraki.+
Watumwa kia malu kuna ndimba.+
Muna buka ya Rubeni mwakala yo makani mayingi.
16 Ekuma ofongele vana kati kwa funda yole yazita,*Owunikini avungudi besikilanga makambi mau e matutu?+
Kadi muna buka ya Rubeni mwakala yo makani mayingi.
17 Ngiladi wakala kaka kuna simu dia Yodani;+Ekuma Dani kakadila vana vena e nzaza?+
Asere wavuanda nkatu-nkatu vana kumu dia kalunga,Wakala kaka vana kumu diningamenanga e nzaza.+
18 Zebulune i nkangu wasia mioyo miau mu vonza kia lufwa;Nafetali+ mpe muna fulu yazanguka.+
19 Atinu bezidi nuana;Atinu a Kenani banuene+Kuna Tanaki kuna maza ma Mengido.+
Ke banete sanzu dia palata ko.+
20 E ntetembwa zinuene tuka kuna zulu;Muna ngienda zau, e ntetembwa zinuene yo Sisera.
21 O nkoko a Kisone ubakukulwisi,+Nkoko ankulu, nkoko a Kisone.
E moyo* ame, odiatakese akwa ngolo.
22 E kole ya mvalu izakamese o ntotoEkolo idiatilanga kuna nganzi.+
23 ‘Nusiba Meroze,’ u kavovele e mbasi a Yave,‘Elo, nusiba nkangu andi,Kadi ke bezidi yikama Yave ko,Muna yikama Yave ye akwa ngolo.’
24 Yaele wa nkaz’a Kebe wa NkeneOlutidi sambulwa muna akento;+Yandi olutidi sambulwa muna akento bezingilanga muna saba.
25 Maza kalombele; kimvumina kamvene.
Muna mbungwa i kamvanini kimvumina kiantá.+
26 Olambwidi koko, obongele mpalu a saba,Muna koko kwandi kwalunene obongele malutelo ya asadi.
Muna malutelo okomene Sisera, okosomwene ntu andi,Untobuele yo kuntompola yo muna ntu.+
27 Okulukidi vana malu mandi; obwidi yo lavalala;Okulukidi vana malu mandi yo bwa;Vana kakulukidi, i vana kafwididi.
28 Nkento otalanga vana zianela,O ngudi a Sisera otalanga muna mavundu,‘Ekuma e kalu diandi dizingidilanga okwiza?
Ekuma e nsindu mia kole ya mvalu miandi mizingididi?’+
29 Ona olutidi ngangu muna mfumu zandi zamakento, wabavananga e mvutu;Elo, yandi kibeni mpe wakivananga e mvutu,
30 ‘Mu kayana bena e sanzu dina babakidi,Ndumba mosi, ndumba zole, kwa konso kesa,Kuna kwa Sisera, e sanzu dia nlele miakuswa tinta, e sanzu dia nlele miakuswa tinta,Mvuatu miatoma tungwa, nlele miakuswa tinta, mvuatu miole miatoma tungwaMuna nsingu za asanzi.’
31 E Yave, yambula mbeni zaku zawonso zafwa,+Kansi, awana bekuzolanga, yambula bakala nga ntangwa ivaikanga muna nkembo andi.”
E nsi yavuvama mu mvu 40.+
Mvovo vana yand'a lukaya
^ Yovo “nsuki za makesa zalembi kangwa.”
^ Nanga, “miazakama.”
^ Nanga, “ana besadilanga salanganu ya nsoneki.”
^ I sia vo, funda ina vana buluku.
^ Tala Nsas’a Mvovo.
