Wantete wa Tusansu 22:1-19
22 Davidi ovovele vo: “Eyayi i nzo a Yave wa Nzambi aludi, ediadi i ziku dia tukau twangioka mu kuma kia Isaele.”+
2 Davidi okanikini vo balungalakesa anzenza+ bena muna nsi a Isaele, ubavene e salu kia wula matadi, kimana bawula yo vala matadi ma tungila e nzo a Nzambi aludi.+
3 Davidi okubikidi mpe ulolo wa sengwa yavangila nsonso za mielo mia mavitu ye mayikilu, ulolo wa nsongo wakondwa tezo,+
4 mabaya ma nsedele+ makondwa lutangu, kadi esi Sidone+ ye esi Turo+ batwasila Davidi ulolo wa mabaya ma nsedele.
5 Davidi ovovele vo: “O mwan’ame Solomo nleke kwandi, kazeye mambu mayingi ko,+ e nzo itungilwa Yave yambote kikilu ikala,+ e nsangu ye nkembo andi+ uzayakana mu nsi zawonso.+ Ozevo, ikunkubikila yawonso.” I dianu vo, Davidi okubikidi lekwa yayingi vitila kafwa.
6 I bosi, obokele Solomo wa mwan’andi, unkanikini vo katungila Yave wa Nzambi a Isaele e nzo.
7 Davidi ovovese mwan’andi Solomo vo: “Vo i mono, diakala muna ntim’ame dia tungila e nkumbu a Yave wa Nzambi ame e nzo.+
8 Kansi, diambu dia Yave diayiza kwa mono, oku vo: ‘Ongeye menga mayingi wabungula yo nuana vita zanene. Kutungila nkumbu ame nzo ko,+ kadi menga mayingi wabungula va ntoto vana ndose ame.
9 O mwan’a yakala owuta+ nkwa luvuvamu kekala, ikumvundisa muna mbeni zandi zawonso,+ Solomo*+ i nkumbu andi, itwasa luvuvamu ye ngemba kwa Isaele muna lumbu yandi.+
10 Yandi otungila nkumbu ame e nzo.+ Okala se mwan’ame, omono ikala se diandi.+ Sikidisa isikidisa kunda kia kimfumu kiandi muna Isaele yakwele mvu.’+
11 “Owau, e mwan’ame, yambula Yave kakala yaku, wasikila muna tunga e nzo a Yave wa Nzambi aku, una kavovele mu kuma kiaku.+
12 Yambula Yave kavana ngangu ye umbakuzi+ vava kekuvana kimfumu kia Isaele kimana walunda nsiku a Yave wa Nzambi aku.+
13 I nsikila osikila, avo otoma lunda nzengo+ ye nsiku mina Yave katuma kwa Mose kazayisa mio kwa Isaele.+ Kala yo unkabu, kumama. Kumoni wonga ko ngatu vumiswa.+
14 Mpangidi mawonso muna kubikila nzo a Yave, 100.000 ma talanta* za wolo, 1.000.000 dia talanta za palata, ulolo wa nsongo ye sengwa+ yakondwa tezo. Nkubikidi mpe mabaya ye matadi,+ kansi ngeye okudikila lekwa yankaka.
15 Asadi ayingi bena yaku—awudi a matadi, atungi,+ avadi a nti yo wantu awonso ana bena ye ngangu muna konso mpil’a salu.+
16 E wolo, palata, nsongo ye sengwa yakondwa lutangu.+ Telama wayantika e salu, yambula Yave kakala yaku.”+
17 I bosi, Davidi okanikini akuluntu awonso a Isaele basadisa mwan’andi Solomo:
18 “Nga Yave wa Nzambi eno kena yeno ko e? Nga kanuvundisi muna ndambu zawonso ko e? Kadi oyekwele nkangu a nsi va moko mame, e nsi yayi isakidikilu vana vena Yave yo nkangu andi.
19 Owau, nusia sungididi kia vava Yave wa Nzambi eno+ ye nsi a ntim’eno ye kiwuntu kieno kiawonso, nuayantika tunga e nzo avauk’a Yave wa Nzambi aludi,+ kimana nuatwasa nkel’a kangu dia Yave ye salanganu yavauka ya Nzambi aludi+ muna nzo itungilwa muna nkumbu a Yave.”+
Mvovo vana yand'a lukaya
^ Yatuka muna mvovo wa Kiyibere ina ye nsasa vo: “Luvuvamu.”
