Wantete wa Tusansu 16:1-43

  • Nkela isilu muna saba (1-6)

  • Nkung’a Davidi wa matondo (7-36)

    • “Yave okitukidi se Ntinu!” (31)

  • Sadila vana ntadisi a Nkela (37-43)

16  Batwese Nkel’a Nzambi aludi, bakotese yo muna saba kina kasumika Davidi;+ batambikidi tukau twangioka ye yimenga ya ungudi vana ntadisi a Nzambi aludi.+  Vava Davidi kamana tambika tukau twangioka+ ye yimenga ya ungudi,+ osambwidi nkangu muna nkumbu a Yave.  Vana ntandu, ovene kwa Aneyisaele awonso, akala ye akento, konso muntu mbolo mosi yavindumuka, mbolo mosi yasiwa bundu ya nsanda ye mbolo mosi yasiwa uva zayuma.  I bosi, otumbikidi Anelevi ankaka kimana basadilanga vana vena Nkel’a Yave,+ muna sanisina,* vutula matondo yo kembelela Yave wa Nzambi a Isaele.  Asafi+ wakala se ntu, walandilwanga kwa Zakariya; yo Yiele, Semiramote, Yekiele, Matiteya, Eliabe, Benaya, Obede-edome yo Yiele,+ yau basikanga nsambi ye kokolo;+ Asafi wasikanga yimbalu,+  anganga Benaya yo Yakaziele basikanga e mpungi ntangwa zawonso vana vena nkel’a kangu dia Nzambi aludi.  E lumbu kiakina, i kiantete Davidi kakubika nkunga yo vana wo kwa Asafi+ ye mpangi zandi muna vutula matondo kwa Yave:   “Nuvutula matondo kwa Yave,+ nuvovela nkumbu andi,Nuzayisa mavangu mandi vana vena nkangu!+   Nunyimbidila, nunkembelela muna nkunga,+Nuyindula* mavangu mandi mawonso masivi.+ 10  Nuyisanina muna nkumbu andi avauka.+ Yambula ntima mia awana bevavanga Yave miamona kiese.+ 11  Nuvava Yave+ yo nkum’andi. Nutomba ndose andi e ntangwa zawonso.+ 12  Nusungamena mavangu mandi manene,+Masivi mandi ye mfundisa zandi, 13  Yeno mbongo a Isaele wa selo kiandi,+Yeno wan’a Yakobo, ana kasola.+ 14  Yandi i Yave wa Nzambi eto.+ E mfundisa zandi zina muna nza yawonso.+ 15  Nuyindulanga e kangu diandi yakwele mvu,O nsilu kasia* kwa funda dia mbandu,+ 16  E kangu kakanga yo Abarayama,+Ye ndofi ina kadila Isaki,+ 17  Ina kasikidisa se mîna kwa Yakobo+Se kangu dia mvu ya mvu kwa Isaele, 18  Oku vo: ‘Ikuvana nsi ya Kenani+Se kunku kia vua diaku.’+ 19  Ediadi diavangama vava ke nuakala ndonga ko,Elo, andwelo kikilu ye anzenza nuakala muna nsi yayina.+ 20  Bayungana tuka zula yaku zula,Tuka muna kintinu kimosi yamuna nkangu ankaka.+ 21  Kayambula konso muntu ko kababangika,+Kansi, watumba atinu mu kuma kiau,+ 22  Oku vo: ‘Ke nuviakana kuswa yame ko,Ke nuvangi mbi kwa ngunza zame ko.’+ 23  Nuyimbidila Yave, e nza yawonso! Nuzayisa mpuluz’andi e lumbu ke lumbu!+ 24  Nusamuna o nkembo andi muna zula,Yo mavangu mandi masivi muna nkangu miawonso. 25  Kadi Yave wanene, yandi ofwene tambula nkembo wawonso. Yandi ofwete vuminua ke mu nzambi zankaka ko.+ 26  E nzambi zawonso za nkangu, zakondwa mfunu,+Vo i Yave yandi wavanga e zulu.+ 27  O zitu yo nkembo una vana kena;+O nkuma ye kiese kina vana fulu kezingilanga.+ 28  E makanda ma nkangu, nuvana kwa Yave kina kimfwanukini Nuvana kwa Yave kina kimfwanukini muna diambu dia nkembo ye ngolo zandi.+ 29  Nuvana kwa Yave o nkembo ufwanukini e nkumbu andi;+Nutwasa lukau, nuiza va ndose andi.+ Nufukama vana ndose a* Yave ye mvuatu miavauka.*+ 30  Nuzakama vana ndose andi, e nza yawonso! O ntoto watoma sikidiswa; ke ulendi nikunua ko.+ 31  Yambula e zulu diamona kiese, e nza yayangalala;+Nusamuna muna zula vo: ‘Yave okitukidi se Ntinu!’+ 32  Yambula kalunga kwatalumuka ye yawonso ina mo;Yambula e yana yamona kiese ye yawonso ina mo. 33  Yambula e nti mia mfinda miayengoloka ye kiese kumosi vana vena Yave,Kadi mu kwiza kena* kafundisa e nza. 34  Nuvana matondo kwa Yave, kadi oyandi wambote;+O walakazi* wandi wakwele mvu.+ 35  Nuvova vo: ‘Utuvuluza, e Nzambi a luvuluzu lweto,+Utukutakesa yo kutuvuluza muna zula,Kimana twakembelela e nkumbu aku avauka+Twakala ye kiese kiayingi muna kusanisina.*+ 36  Yambula Yave wa Nzambi a Isaele kakembelwaYamu mvu ya mvu.’” Nkangu wawonso uvovele vo: “Amen!”* Bakembelele Yave. 37  Davidi osisidi Asafi+ ye mpangi zandi vana vena nkel’a kangu dia Yave kimana basadilanga vana vena Nkela,+ mun’owu wa salu ya lumbu ke lumbu.+ 38  Obede-edome ye mpangi zandi, yau awonso 68, Obede-edome wa mwan’a Yedutune yo Kosa, ayingidi a mavitu; 39  Sadoke+ wa nganga ye akwandi anganga bakala vana vena saba kia Yave vana bata diakala kuna Ngibone,+ 40  batambikanga tukau twangioka kwa Yave vana ziku dia tukau, mene yo masika, yo vanga mawonso masonama muna Nsiku a Yave, una kakanikina kwa Isaele.+ 41  Emane wakala yau yo Yedutune+ ye akaka ana basolwa, ana bayikilwa muna nkumbu, bavutula matondo kwa Yave,+ kadi o “walakazi wandi wakwele mvu”;+ 42  Emane+ yo Yedutune bakala yau muna sika e mpungi, yimbalu ye masikilu masadilwanga mu kembelela* Nzambi aludi; wan’a Yedutune+ bakala ye kiyekwa kia lunga-lunga e vitu. 43  I bosi, nkangu awonso uvutukidi muna nzo zau, Davidi wele sambula e nzo andi.

Mvovo vana yand'a lukaya

Mvovo wa sina: “sungamesa.”
Nanga, “Nuvovela.”
Mvovo wa sina: “E diambu kakanikina.”
Yovo “Nusambila.”
Nanga, “mu kuma kia nkembo a vauka kwandi.”
Yovo “olweke.”
Mvovo wa Kiyibere una ye nsasa vo: “zola ye walakazi ulembi suka.” Tala Nsas’a Mvovo. “Zola kulembi suka.”
Yovo “yo sanisina nkembo aku.”
Yovo “Yambula diakala wowo.”
Yovo “masikilu ma nkunga mia.”