Mvutu za Yuvu ya Nkand’a Nzambi
Aweyi o longo lulenda kadila lwakiese?
Malongi ma Nkand’a Nzambi mu kuma kia longo nluta miayingi metwasanga, wau vo kwa Yave wa Nzambi una vo i Tuku dia longo metukanga. Malongi mama mekutusadisanga mu yima fu ilenda kitula longo se lwakiese, mekutulukisanga mpe mu venga mavangu malenda fwasa longo. Mekutusonganga e mpil’a moko ilenda twasa e kiese muna longo.—Tanga Kolosai 3:8-10, 12-14.
O yakala yo nkento bafwete zitisanga muntu yo nkw’andi. Avo bazitisi nkanikinu mia Nzambi mu kuma kia longo, balenda kala ye kiese.—Tanga Kolosai 3:18, 19.
Nki kizingisanga o longo?
Avo akazi basongele nzola muntu yo nkw’andi, o longo lwau lulenda zinga. Nzambi okutulonganga una tulenda songela e nzola. Nzambi yo Yesu wa Mwan’andi, i mbandu ambote muna songa nzol’amvevo.—Tanga 1 Yoane 4:7, 8, 19.
Vava yakala yo nkento bezitisanga nkubik’a Nzambi mu kuma kia longo, longo lwau lusikilanga. Yave wasikidisa nkubik’a longo kimana nkento yo yakala bazinga entwadi, e kintwadi kiaki kitaninanga esi nzo. O longo lulenda zinga, e kuma kadi, Nzambi wavanga yakala yo nkento mu lungisa nsatu za muntu yo nkw’andi. Wabavangila muna mpw’andi yo kubavana ngangu zatanginina o zola kwandi.—Tanga Etuku 1:27; 2:18, 24.
