Elimbururo lyomoBibeli

 Sinzi sovantu kwa hara kudiva asi morwasinke va tu sitira, makura eyi kuvaninkisa va pure mapuro ngwendi: morwasinke twa karera po? ndi Eparu lyange kwa kara nositambo ndi? Bibeli kulikida asi sitambo setu meparu kuna kara sokutulisa po ukaume naKarunga. Konakona usili ou za horora Bibeli.

•   Karunga yige Musiti gwetu. Bibeli kutanta asi: “Yige [Karunga] ga tu unga, ose vantu vendi.”​—Episarome 100:3; Ehororo 4:11.

•   Karunga ga kara nositambo soyininke nayinye eyi ga sita, kukwatera mo nose.​—Jesaya 45:18.

•   Karunga kwa tu sita yipo tu ‘dimburure asi twa hepa Karunga’ eyi kwa kwatera mo kukara neharo lyokudiva konda zeyi va tu sitira. (Mateusa 5:3) Age ana hara tu dive yininke oyo.​—Episarome 145:16.

•   Ose ngayi tu tompoka kudimburura asi twa hepa Karunga pokutunga po ukaume nage. Nampili ngomu egano eli lyokutulisa po ukaume naKarunga ali kara udigu kwa vamwe, Bibeli kutukorangeda asi: “Hedereni Karunga pepi, nage a mu hedere pepi.”​—Jakopo 4:8; 2:23.

•   Mokukara Kaume kaKarunga twa hepa kuparuka monkedi ezi ana tu harere. Bibeli kututantera sitambo esi mwaMuudisi 12:13 asi: “Tjira Karunga, ove o limburukwe koyipango yendi, yeeyi yangesi, yiyo va mu ungira muntu.”​—Good News Translation.

•   Komeho ngatu ka limonena sitambo saKarunga seyi ga tu sitira, apa nga gusa po ruhepo ntani nokugava mwenyo gwanarunye kovakaume vendi, ava ava mu karere.​—Episarome 37:10, 11.