Zende koyikaramo

Nombangi daJehova

Horowora eraka Rukwangali

Yisinke elirongo lyoBibeli?

Yisinke elirongo lyoBibeli?

Nombangi daJehova kurugana malirongo goBibeli kumwe novantu aga aga limburura mapuro gomanzi ngwendi:

  • Yilye Karunga?
  • Yosili Karunga kupakera nge sinka ndi?
  • Ngapi nani wapukurura nonkwara dange?
  • Ngapi omu nani vhura kugwana ruhafo meparu?

Konhi no gwana malimbururo komapuro aga ava pura vantu kuhamena elirongo lyetu lyoBibeli.

Yisinke ya hamena mo melirongo olyo lyoBibeli? Ose kuzogera yirongwa ngwendi “Karunga” ndi “nonkwara” nokukonakona novelise dongandi domoBibeli kuhamena sirongwa oso. Pokuhetakanesa novelise odo, tatu dimburura eyi Bibeli azi uyunga ko kuhamena sirongwa oso.

Mokutuvatera tu lironge Bibeli, ose kuruganesa buke Yinke azi rongo Bibeli sili? Buke ezi kwa faturura nawa yirongwa yoyinzi, ngwendi kuhamena Karunga, Jesus ntani meho zetu.

Yingapi no futa mokulironga Bibeli? Elirongo olyo kapi ava li futire ntani nombapira nado kapi ava di futire.

Novili dingapi ali gusa elirongo olyo? Nkenye sivike vantu wovanzi kulitulira po vili zimwe va lironge nose Bibeli. Kapi pwa kara veta nye kulironga kuliza nosiruwo somuntu mwene.

Yisinke nayi horoka nsene ni tura mo ehundiro lyokulironga Bibeli? Nsene ono tura mo ehundiro olyo, gumwe goNombangi daJehova nga wiza posiruwo nevango eli ono tokora. Monominute dongandi age nga ku likida omu atu li rugana elirongo. Nsene ono yi hafere, kuvhura ngo twikire kulironga Bibeli.

Nsene nina tambura elirongo lyoBibeli, ngoso ame na hepa kukara gumwe goNombangi daJehova ndi? Hawe. Ose Nombangi daJehova kwa hara kuronga vantu kuhamena Bibeli, nye kapi atu sininike vantu va hamene koukareli wetu. Nye ose kuronga eyi azi tanta Bibeli, ntani ose kufumadeka untu womuntu wokutokora eyi ana hara kupura.—1 Peturusa 3:15, 16.