Zende koyikaramo

Nombangi daJehova

Horowora eraka Rukwangali

Morwasinke omu dilire kulihameka moyita?

Morwasinke omu dilire kulihameka moyita?

Nombangi daJehova kapi adi lihameke moyita morwa nokonda edi dina kukwama ko:

  1. Ulimburukwi wawo kwaKarunga. Kuhamena vakareli vaKarunga Bibeli kutanta asi, “nomfuro dawo ngava di hambura matemo” ntani asi awo ‘kapi ngava liwapaikira yita.’—Jesaya 2:4

  2. Ulimburukwi wawo kwaJesus. Jesus kwa tanterere mupositoli Peturusa asi: “Zweka mo rufuro roge mosiraro saro, yeeyi nkenye ogu a kwata rufuro, yiro ngaru mu lya rooro.” (Mateusa 26:52) Apa Jesus kwa yi likidire asi vasikuli vendi kapi tava vhuru kuruganesa yirwiso.

    Varongwa vaJesus kulimburukwa kompangera zendi ezi asi “awo kapisi wouzuni” pokukwaterera koupirambinga wawo moyininke youpolitika. (Johanesa 17:16) Awo kapi ava rwanese vakwayita ndi va donganese owo ava lihameke moukwayita.

  3. Eharo lyawo kwava wopeke. Jesus kwa pangerere varongwa vendi asi “omu lihara-hare.” (Johanesa 13:34, 35) Awo kwa tunga po mbunga zosiumbya mouzuni mudima omu ngamu dira kukara ogu nga vhura kurwisa wopeke.—1 Johanesa 3:10-12.

  4. Sihonena soVakriste wokuhova. Encyclopedia of Religion and War kwa tanta asi: “Vasikuli vaJesus wokuhova kwa nyokere kulihameka moyita noyirugana eyi ngayi kwatesa ko yita,” awo kwa dimbwilire asi yininke oyo “kapi ya lizire nompangera zaJesus kuhamena eharo ntani nompango ezi asi o hare gonkore zoge.” Mokulifana, kuhamena varongwa vaJesus wokuhova mulirongi gomaukarelikarunga goMundovesi gedina Peter Meinhold kwa tente asi: “Kukara Mukriste ntani nomukwayita awo kwa yi mwene asi epuko lyenene.”

Omu atu kwatesa ko nkarapamwe

Nombangi daJehova kuna kara vantu womulyo monkarapamwe ntani awo kapi ava donganesa mbili zomoyirongo omu va tunga. Ose kufumadeka noveta depangero, kuliza nonompango domoBibeli edi asi:

  • “Nkenye muntu a limburukwe kepangero eli ali mu pangere.”—Varoma 13:1.

  • “Omu futire hompa gwaRoma eyi ya mu hamena, ano Karunga nage yeeyi ya mu hamena.”—Mateusa 22:21.

Yipo nye, ose kulimburukwa kepangero pokufuta mutero ntani nokukwatesa mawapaiko gamwe gomapangero yipo vantu va paruke nawa.