Zende koyikaramo

Zende kelikwamo lyauvali

Nombangi daJehova

Rukwangali

Mwa pura mwaJesus ndi?

Mwa pura mwaJesus ndi?

Yimo. Ose twa pura mwaJesus ogu ga tente asi: “Nyame nzira nousili nomwenyo. Nagumwe si a wiza kwaTate, age ga hana kupitira pwange.” (Johanesa 14:6) Ose twa pura asi Jesus kwa tundire meguru a wize pevhu a ya gave mwenyo gwendi gokusikilira mo ngosizoweseso. (Mateusa 20:28) Nomfa nevhumbuko lyendi kugava mpito kowo ava pura mwendi va ka gwane mwenyo gwanarunye. (Johanesa 3:16) Ose twa pura hena asi ngesi Jesus kuna kupangera ngaHompa gomoUhompa wemeguru waKarunga, ou ngau ka reta po ntaantani mbili pevhu nalinye. (Ehororo 11:15) Ntani ose kukwatesa ko Jesus kononkango edi ga uyungire asi: “Tate kwa pita nge.” (Johanesa 14:28) Ose kapi atu karere Jesus, morwa age kapisi Karunga Munankondo nadinye.