Tuna ku zigida
Ediworoko lyonomfa daJesus
Mapeu, 12 Kudumogona 2025
Tuna kuzigida koyilika eyi yivali
Siuyungwa sokulikarera somoBibeli
“Usili kuvhura kuugwana ndi?”
No ka lironga omu Jesus ga tulire poruzera yimpempa yovampitisili woukarelikarunga ntani nomu natu gwana usili.
Murarero gwaHompa ndi ediworoko lyonomfa daJesus
Posilika esi somulyo, Nombangi daJehova tadi ka rugana Murarero gwaHompa moomu ga yi pangerere Jesus mwene.—Rukasa 22:19.
Mapuro aga ava pura sinzi sovantu
Yilye ga fira kukara po?
Kuna kukuzigida kumwe nepata lyoge mu ya kare po.
Novili dingapi ali kara elikwamo?
Siuyungwa sokulikarera somoBibeli kugusa tupu nominute 30. Kutunda opo taku kwama sirongwa somapuro nomalimbururo esi a si gusa vili zimwe tupu.
Murarero ngagu gusa hambara vili zimwe.
Kupi ngagu karera?
Mokugwana evango, Diva poruha “Gwana oku ngagu karera” ndi “Gwana oku ngasi karera.”
Kufuta komeho o ya kare po ndi?
Hawe.
Ngava pura ko sumina ndi yigava ndi?
Hawe. Nombangi daJehova kapi ava pura sumina komapongo gawo.—Mateusa 10:8.
Pwa kara mundwaro ogu na hepa kudwara ndi?
Hawe. Nye Nombangi daJehova kuhetekera ko kudwara yidwara yokuwapera ntani eyi ayi likida efumadeko.
Yisinke ngayi hamena mo mepongo lyoMurarero?
Epongo kutameka nokuhagesa norusumo ntani ekanderero eli a gava Mbangi zaJehova. Siuyungwa sokulikarera somoBibeli ngasi faturura eyi nomfa daJesus da karera nomulyo ntani nomu natu vhura kugwanena mo uwa kweyi ga tu ruganena Karunga naKristusa.
Komauzera gomanzi, resa sirongwa “Morwasinke Nombangi daJehova adi ruganene Murarero gwaHompa monkedi zokulisiga nomaukarelikarunga gapeke?”
Siruwoke Murarero gokukwama ko ngagu kara ko?
2025: Mapeu, 12 Kudumogona
2026: Une, 2 Kudumogona
2027: Mandaha, 22 Nsinano
Lironga ko yoyinzi, pokutarera novidiyo edi.
No ka mona pausupi kuhamena meho zongwa ezi ngazi ka sika mo morwa Jesus ga tu fira.
Nampo wa zuvha asi age kwa ya tu fililire kononzo. Nye kuvhura sili nomfa domuntu gumwe di retere uwa mamiliyona govantu ndi?
Yisinke atu rugana ko koSinyanga soUhompa?
Tarera vidiyo o limoneke ko nyamoge.