Zende koyikaramo

Zende koyikaramo

ilbusca/E+ via Getty Images

VANGARARENI!

Morwasinke vantu ava dili kutulisa po mbili?​—⁠Yisinke azi uyunga ko Bibeli?

Morwasinke vantu ava dili kutulisa po mbili?​—⁠Yisinke azi uyunga ko Bibeli?

 Vampitisili womouzuni ntani nombunga douzuni mudima kapi ya va tompoka kureta mbili mouzuni. Kutundilira poyita yauvali youzuni nyanya kwavhuka unene dogoro ngesi. Hambara vantu wokusika pomabiliyona gavali kwa tunga komavango oku kwa kara nyanya.

 Morwasinke vantu ava dili kureta mbili? Yisinke azi uyunga ko Bibeli?

Nokonda ntatu deyi vantu ayi dili kuvatompoka kureta mbili

  1.  1. Vantu kulikida nkareso ezi azi va ninkisa va dire kutulisa po mbili. Bibeli kwa pumba asi posiruwo setu, “vantu ngava lihara tupu vene, ngava dowokera yimaliwa, ngava likanganga, ngava linenepeka, . . . ngava siga vakwawo, . . . kapi ngava lizuvha novakwawo, . . . kapi ngava lipangera, ngava kara wonyanya, . . . ngava kara ndino, ngava litumba.”​—2 Timoteusa 3:2-4.

  2.  2. Vantu pwavene kapi tava vhuru kugusa po maudigu gawo pwa hana evatero lyogu gava sita, Jehova a Karunga. Bibeli kutanta asi “kutupu ogu a pangere kukaramwenyo kwamwene.”​—Jeremiya 10:23.

  3.  3. Uzuni kwa kara mepangero lyomupangeli gononkondo ntani gomudona, Satana muzonaguli, ogu “ana kupukisa uzuni naunye.” (Ehororo 12:9) Mokumona asi “uzuni mudima kwa kara mepangero lyomudona,” ngapa kara yita nonyanya.​—1 Johanesa 5:19.

Yilye gokuvhura kureta mbili?

 Bibeli kutuhuguvaresa asi Karunga gelike gokuvhura kuretesa po mbili nye kapisi vantu.

  •   “‘Nyamelike na diva magazaro aga na kara nago gokumuhamena, magazaro gokumuretera erago kapisi simpangwa, magazaro gokuhamena yokomeho eyi muna ndindire’”​—Jeremiya 29:11.

 Ngapi omu Karunga ngaka sikisa mo etumbwidiro olyo? ‘Karunga ogu a gava mbili nga myona Satana.’ (Varoma 16:20) Karunga nga ruganesa epangero lyemeguru, eli azi tumbura Bibeli asi “Uhompa waKarunga,” mokureta mbili uzuni mudima. (Rukasa 4:43) Apa hompa gouhompa owo, Jesus Kristusa, ngaka pangera evhu nalinye, vantu ngava kavaronga omu ngava kaparuka nombili.​—Jesaya 9:6, 7.

a Jehova kuna kara edina lyaKarunga.​—Episarome 83:18.