SIRONGWA SOKUHOVA | WOLYE NOMBANGI DAJEHOVA?
Yisinke da pura Nombangi daJehova?
Nombangi daJehova kwa pura asi “nkenye etjangwa, eli za retesa po Mpepo zaKarunga, kwa kara nomulyo.” (2 Timoteusa 3:16) Ose kuruganesa Bibeli mokulironga kuhamena Musiti gwetu ntani nokutuvatera omu natu paruka nawa.
Bibeli kutanta asi: “Yipo vantu ngava dive asi nyove, gedina Jehova, nyovelike Mupangeli gomunene gouzuni mudima.” (Episarome 83:18, NW) Yipo nye ose kukarera Jehova Karunga ntani nokulitura mo mokudivisa edina lyendi ngoNondipo ndi Nombangi dendi.—Jesaya 43:10-12.
NgoVakriste, ose kwa pura asi Jesus “MunwaKarunga,” * ogu ga wizire pevhu mokuyakara Mesiyasa. (Johanesa 1:34, 41; 4:25, 26) Apa ga fire, age kwa mu vhumbwire a ze meguru. (1 Vakolinte 15:3, 4) Ano konyima ta kara Hompa goUhompa waKarunga. (Ehororo 11:15) Uhompa owo yilyo epangero ngali ka reta Paradisa pevhu. (Ndaniyera 2:44) Bibeli kutanta asi: “Valinunupiki yiwo ngava hingira sirongo, awo ngava hafera mpora zonene.”—Episarome 37:11, 29.
“Apa ava resa Bibeli awo kulizuvha ngwendi Karunga ana kuvauyungisa. Nsene tava ligwanekere nomaudigu meparu lyawo, awo kuruganesa Nonkango daKarunga di va vatere. . . . Morwa Nonkango daKarunga kwa kara nononkondo.”—Muruti goVakatolikra Benjamin Cherayath, Münsterländische Volkszeitung saitunga zomoNdovesiranda
Nombangi daJehova kwa pura asi nampili naina vantu kuvhura va gwanene mo uwa monompango doBibeli. (Jesaya 48:17, 18) Yipo nye ose kukwama nompango odo. Pasihonena, ose kapi atu koko makanya ndi epangwe morwa Bibeli kuturondora tu nyokere po yininke eyi ayi nyateke nondunge nomarutu getu. (2 Vakolinte 7:1) Ose hena kunyokera po eyi za silika Bibeli ngwendi unkorwe noruhonda ntani widi.—1 Vakolinte 6:9-11.
^ para. 5 Bibeli kutanta asi Jesus, “Munwa gelike a huru gwaKarunga” morwa yige muhoverera ga sitire pwagelike.—Johanesa 3:18; Vakorosi 1:13-15.
Kuvhura o hafere hena
MAPURO
Nombangi daJehova kwa pura asi ukarelikarunga wawo yiwo welike wousili ndi?
Jesus ga uyungire asi pwa kara nonzira dononzi edi adi twara komwenyo ndi?
ESSENTIAL BIBLE TEACHINGS
Karunga ga kara nedina ndi?
Karunga ga kara noyitumbwisiso yoyinzi, kukwatera mo Munankondo nadinye, Musiti, ntani Hompa. Nye edina lyaKarunga kwa li ruganesa moBibeli yikando yokusika ko-7 000.
