Zende koyikaramo

Zende koyikaramo

Nombangi daJehova

Horowora eraka Rukwangali

 SIRONGWA SOKUHOVA | KARUNGA KUVHURA A KARE KAUME KOGE

Ukaume ou au reta ruhafo

Ukaume ou au reta ruhafo

Yisinke no rugana o hedere pepi naKarunga? Tuna konakona yitwa yina kukwama ko eyi wa hepa kukwama yipo o tunge po ukaume nendi:

  1. Diva edina lyaKarunga, Jehova, nokuliruganesa.

  2. Uuyunga naKarunga nkenye ezuva mekanderero nokulironga Nonkango dendi, Bibeli.

  3. Rugana eyi ayi hafesa Jehova.

Hedera pepi naKarunga pokuruganesa edina lyendi nokukanderera kwendi nokulironga Nonkango dendi ntani kurugana eyi ayi mu hafesa

Ove kuna kusikisa mo yitwa oyo yipo o hede pepi naKarunga ndi? Ndi simpe wa hepa kutura po marunduruko gongandi? Pwa hepa elituromo lyenene, nye koneka yitundwamo.

Jennifer gomoAmerika kwa tente asi: “Mulyo kulitura mo unene mokutunga po ukaume naKarunga. Morwa ukaume owo kureta mauwa ngwendi: kuhuguvara unene Karunga nokudiva yikara yendi ntani ngatu mu hara unene. Ukaume wangoso yiwo au reta ruhafo!”

Nsene ono hara kutura po ukaume naKarunga, Nombangi daJehova ngadi ku vatera. Awo ngava ku ronga Bibeli pwa hana mfuto. Kuvhura o ze hena koSinyanga soUhompa oku ava pongere, ngo ka gwana vantu ava va kara nelikwatakano lyewa naKarunga. * Nsene ngo yi rugana oyo, ngo lizuvha ngwendi moomu za uyunga Bibeli asi: “Yoyiwa po kwange ame, yokukara pepi naKarunga.”—Episarome 73:28.

^ para. 9 Nsene ono hara kulironga Bibeli ndi o dive oku adi pongere Nombangi daJehova, pura ogu ga ku pere sifo esi ndi tara koIntaneta zetu www.jw.org/kwn, konhi zosiparatjangwa GWANEKERA NOSE.

[Caption on page 7]