Zende koyikaramo

Zende koyikaramo

Nombangi daJehova

Horowora eraka Rukwangali

 SIRONGWA SOKUHOVA | KARUNGA KUVHURA A KARE KAUME KOGE

Wa diva edina lyaKarunga nokuliruganesa ndi?

Wa diva edina lyaKarunga nokuliruganesa ndi?

Pweli kaume koge gomunene wa dira kudiva kedina ndi? Hawe. Irina mukadi gomoBulgaria kwa tente asi: “Kapi to kara kaume kaKarunga nsene kapi wa diva edina lyendi.” Sirongwa sina piti kuna likida asi Karunga ana hara o hede pepi nendi. Kupitira moBibeli Karunga ga lihorora pokutanta asi: “Ame nyame Jehova. Olyo yilyo edina lyange.”—Jesaya 42:8NW.

Kupitira moBibeli Karunga ga lihorora pokutanta asi: “Ame nyame Jehova. Olyo yilyo edina lyange.” —Jesaya 42:8NW.

Hepero o dive edina lyaJehova nokuliruganesa ndi? Edina lyaKarunga kwa li tjenge moRuhebeli nonondanda ne, alyo kwa moneka moMatjangwa goRuhebeli konyara yikando 7 000. Yilyo edina va tumbura mo yikando yoyinzi moBibeli. Eyi kulikida asi Jehova ana hara tu mu dive nokuruganesa edina lyendi. *

Pokutura po ukaume nomuntu pomuhowo wa hepa kudiva edina lyendi. Wa diva edina lyaKarunga ndi?

Vamwe kutjira kuruganesa edina lyaKarunga morwa asi age kwa pongoka ntani munankondo nadinye. Yimo, epuko kuruganesa edina lyaKarunga monkedi zondona, ngwendi moomu no dira kuruganesa edina lyakaume koge momudona. Nye Jehova kwa hara asi owo va mu hara va fumadeke edina lyendi nokulidivisa. (Episarome 69:30, 31; 96:2, 8) Jesus kwa rongere vasikuli vendi va kanderere asi: “Guhyetu gemeguru. Edina lyoge ava li pongore.” Nose kuvhura tu pongore edina lyaKarunga pokulidivisa. Monkedi zangoso, ngatu kara vakaume vendi.—Mateusa 6:9.

Bibeli za likida asi Karunga kukoneka owo ava “fumadeke” edina lyendi. (Marakiya 3:16) Jehova kwa va tumbwidira asi: “Ame kwa hara kupopera ava va diva nge. Nsene va kuga nge, tani va zuvhu; nsene moudigu vana kara, tani kara nawo.” (Episarome 91:14, 15) Nsene tuna hara kukara vakaume vaJehova twa hepa kumudiva nokuruganesa edina lyendi.

^ para. 4 Nye, moNobibeli dononzi edina lyaKarunga va ligusa mo yiyo va pinganesera po yitumbwisiso ngwendi “Hompa” ndi “Karunga,” nampili ngomu lya moneka yikando yoyinzi meTestamende lyekurukuru. Komauzera gamwe kuhamena sirongwa esi tara pepenuno 195-197 mobuke Yinke azi rongo Bibeli sili? va rugana Nombangi daJehova.