Zende koyikaramo

Zende koyikaramo

Nombangi daJehova

Horowora eraka Rukwangali

Mapuro gokutunda kovaresi

Mapuro gokutunda kovaresi

Ngoso Episarome 144:12-15 kwa tamba kovantu vaKarunga ndi kovanayirongo?

Nonkango doRuhebeli kwa kara nomatanto gomanzi. Yitwa eyi yina ka kwama ko tayi ka tu vatera tu ka kwate nawa egano lyouhunga:

  1. Tarurura egaununo nalinye. Nonkango va ruganesa movelise 12 kulikida asi matungiko aga va tumbura movelise zo-12 dogoro 14 kwa tamba kovahungami, vantu ava ava likwambere va va ‘parure’ kononkore dawo donondona (velise 11). Egano eli kwa lipwagesa hena movelise 15 omu nkango “gerago” za moneka yikando yivali. Azo kwa tamba simpe kovantu ava ava karere Jehova.

  2. Egano eli kwa liza nomatjangwa gamwe aga ga uyunga kuhamena matumbwidiro govantu vaKarunga. Episarome eli kwa zogera kuhamena ehuguvaro eli ga kere nalyo Ndafita, asi konyima zapa Karunga ga zowere Vaisraeli kononkore dawo, gava tungikire. (Lev. 26:9, 10, Deut. 7:13; Epis. 128:1-6) Pasihonena Deuteronomium 28:4 kutanta asi: “Hompa nga mu tungika, mu kare novana wovanzi nonombuto dononzi-dononzi momapya geni nonongombe nononzwi dononzi.” Yosili, Vaisraeli kwa kere mompora apa va kere mepangero lyaSaromo. Upangeli waSaromo kwa twaredesere koupangeli waMesiyasa.​—1 Vah. 4:20, 21; Epis. 72:1-20.

Mokuhulisa, ekwatogano eli lyomoEpisarome 144 kulikida ehuguvaro eli va kara nalyo vakareli vaJehova. Apa vadinikarunga ngava ka va zonagura po, valinunupiki ngava ka hafera mpora zonene.—Epis. 37:10, 11.