Zende koyikaramo

Zende koyikaramo

Nombangi daJehova

Horowora eraka Rukwangali

 SIRONGWA SOKUHOVA

Nsene ono fisa

Nsene ono fisa

“Wa ha lira. . . . Karunga ana diva eyi . . . ana yi ruganene.”

Nonkango edi kwa di wowoterere mukadi gedina Bebe ogu ga kere pehoreko lyoguhwe ava va fire kosiponga setuwa.

Bebe kwa lihere unene noguhwe. Nonkango edi ga mu wowoterere kaume kendi kwa mu koresere komutjima. Age kwa twikilire kugazara nonkango odo. Konyima zonomvhura dongandi, Bebe kwa ya simwitilire nomfa doguhwe mobuke zimwe, ayo kwa likidire asi simpe ga kere noruguwo.

Ngwendi moomu ga yi limonenene Bebe, nsene asi mwa lihere unene nanakufa kugusa siruwo mokumudivara. Bibeli kutumbura nomfa asi “nkore zokuhulilira.” (1 Vakolinte 15:26) Nomfa kurundurura eparu lyetu ntani kapi twa kara nononkondo dokudikandana po. Ado hena kuhoroka hararasi. Nomfa kutuguvisa natuvenye. Yipo nye apa adi horoka kapi atu diva eyi natu rugana.

Nampo wa lipura asi: ‘Siruwo sokuhura kupi ayi gusa mokulira nomfa? Ngapi muntu na lididimikira ruguwo? Ngapi nani hengagwida ava vana fisa? Ngatu ka mona hena ava va fa ndi?’