Zende koyikaramo

Zende koyikaramo

Nombangi daJehova

Horowora eraka Rukwangali

Yisinke za uyunga ko Bibeli?

Yisinke za uyunga ko Bibeli?

Yilye Muzonaguli?

KUVHURA O TANTE ASI muzonaguli kuna kara . . .

  • Sisitwa sopampepo?

  • Ndi udona ou wa kara momutjima gomuntu?

  • Ndi esimwititi tupu?

EYI ZA UYUNGA KO BIBELI

Muzonaguli kwa uyungire naJesus ‘nokumuheteka.’ (Mateusa 4:1-4) Yipo nye, Muzonaguli kapisi esimwititi tupu ndi udona ou wa kara momutjima gomuntu. Age kuna kara sisitwa sopampepo sosidona.

YISINKE HENA NATU LIRONGERA MO MOBIBELI?

  • Muzonaguli kwa kere muengeli gokupongoka, nye ‘kapi ga kere mousili.’ (Johanesa 8:44) Age kwa ya kere munayimpempa nokurwanesa Karunga.

  • Vaengeli vamwe kwa ya lipakerera naSatana mourwanesi.​—Ehororo 12:9.

  • Muzonaguli kwa zonagura nondunge dovantu va dire kupura asi yipo ga kara.​—2 Vakolinte 4:4.

Kuvhura Muzonaguli a pangere vantu ndi?

VANTU VAMWE KUUYUNGA ASI muzonaguli kapi a pangere vantu, ano vamwe kwa tjira nompepo donondona. Ove ngapi o gazara?

EYI ZA UYUNGA KO BIBELI

“Uzuni mudima kwa kara mepangero lyoMuzonaguli.” (1 Johanesa 5:19) Muzonaguli kupukisa unene vantu, nye kapi a pangere nkenye muntu.

YISINKE HENA NATU LIRONGERA MO MOBIBELI?

  • Muzonaguli kuruganesa yineya mokupukisa vantu.​—2 Vakolinte 11:14.

  • Nompepo donondona kuvhura kupangera muntu.​—Mateusa 12:22.

  • Nevatero lyaKarunga, ove kuvhura o “nyokere Muzonaguli.”​—Jakopo 4:7.