Zende koyikaramo

Zende koyikaramo

Nombangi daJehova

Horowora eraka Rukwangali

 SIRONGWA 44

Ntembeli zaJehova

Ntembeli zaJehova

Apa Saromo ga kere hompa goVaisraeli, Jehova ta mu pura asi: ‘Yisinke ono hara ni ku pe?’ Saromo ta tanta asi: ‘Ame ni munona ntani kapi nina diva eyi nani rugana. Pe nge ko nondunge yipo ni pitisire vantu woge.’ Jehova ta tanta asi: ‘Morwa ono hundire nondunge, ove ngo kara muntu gonondunge unene pevhu. Ngani ku pa hena ungawo wounzi. Ano nsene ngo limburukwa nge, ngo paruka siruwo sosire.’

Saromo ta tameke kutunga ntembeli. Age kwa ruganesere ngorodo nosisiliveli noyitji ntani mamanya. Vagara novakadi wovanzi ava va divire kutunga kwa tungire ntembeli. Konyima zonomvhura ntambali, ntembeli tazi pu kutunga makura tava zi tungike. Amo kwa kere mo sizambero esi ngava zambere nonzambo. Saromo ta tongamene komeho zosizambero nokukanderera asi: ‘Jehova ntembeli ezi kapi to gwaneke mo morwa azo nunu, nye purakena makanderero getu.’ Ngapi Jehova ga tere ntembeli nekanderero lyaSaromo? Apa tupu ga mene Saromo kukanderera, mundiro tagu tundu meguru tagu hwike po nonzambo edi va zembe. Jehova ga tambwire ntembeli. Apa va yi mwene Vaisraeli tava hafa unene.

Hompa Saromo kwa divikwire moIsraeli nazinye ntani nokoyirongo yokoure morwa nondunge dendi. Vantu ngava wiza kwaSaromo a ya va vatere komaudigu gawo. Hompa gomukadi gwaSeba kwa wizire a ya heteke Saromo nomapuro goudigu. Apa ga mu limbwilire mapuro gendi, ta tanta asi: ‘Ame kapi na pulire eyi va tanterere nge vantu kukuhamena, nye ngesi nina yi mono asi ove nondunge unene kupitakana eyi va tantera nge. Karunga goge Jehova, kwa ku tungika.’ Vaisraeli kwa tungire mombili ntani kwa hefe. Nye yininke kwa ya litjindjire.

“Komu tara si, ogu ga pita Saromo gogu apa.”—Mateusa 12:42