Zende koyikaramo

Zende koyikaramo

Nombangi daJehova

Horowora eraka Rukwangali

 SIRONGWA 50

Jehova ta popere Jehosafata

Jehova ta popere Jehosafata

Jehosafata, hompa gwaJuda, kwa zonagwire yizambero yaBara noyikarunga yomafano mosirongo. Age kwa here vantu va dive noveta daJehova. Yipo ga tumine vakurona noVarevhi va ka ronge vantu womoJuda noveta daJehova.

Nomuhoko dopopepi kwa tjilire kurwisa vantu womoJuda morwa da divire asi Jehova kwa kere nawo. Awo ngava retere hompa Jehosafata mauhwi. Nye Vamowaba noVaamoni ntani Vaedomu kwa ya rwisire Juda. Jehosafata ga divire asi ga hepere evatero lyaJehova. Ta zigida vagara novakadi novanona navenye va wize moJerusarema. Ta kanderere komeho zawo asi: ‘Jehova ose kapi tatu vhuru kufunda pwanyamwetu. Tu tantera eyi twa hepa kurugana.’

Jehova ta limburura asi: ‘Mwa ha tjira. Ame ngani mu vatera. Ngomu sikame tupu pomavega geni ngomu mone omu ngani mu popera.’ Ngapi omu Jehova ga va poperere?

Ezuva lya kweme ko, Jehosafata ta horowora vantu wokudimba nokuvatantera va pite komeho ano vakwayita va va kwame. Tava gendi va tunde moJerusarema va ze koTekoa oku va ka rwililire.

Vantu kwa dimbire noruhafo, makura Jehova ta rwire po vantu vendi. Age kwa piyaganekere Vaamoni noVamowaba va lirwise vene navene, ano navenye kwa fire. Nye Jehova kwa va poperere vantu womoJuda novakwayita ntani novapristeli. Vantu woyirongo yopopepi va yi zuvhire, ntani va divire asi Jehova simpe kuna kupopera vantu vendi. Ngapi omu a va popere? Mononkedi dokulisiga-siga. Age kapi ga hepa evatero lyovantu mokuyirugana oyo.

“Yita eyi kapisi nyone wokuyirwa, nye ngomu sikame tupu pomavega geni mu ndindire, ngomu mone omu ngamu pa HOMPA efundo.”—2 Histoli 20:17