Zende koyikaramo

Zende koyikaramo

Nombangi daJehova

Horowora eraka Rukwangali

 SIRONGWA 21

Ehepeko lyomurongo

Ehepeko lyomurongo

Mosesa kwa tanterere Farawo asi kapi ngani wiza ko hena. Komeho a ze, ta tantere Farawo asi: ‘Masiku ganaina, nkenye mbeli zongara zoMuegipite kutamekera kombeli zoge dogoro zomupika, tazi fu.’

Jehova ta tantere Vaisraeli asi: ‘Va dipage nzwigona ndi sikombo somvhura zimwe, nokukwita honde zaso komavero. Nyama tomu zi dosa nokuzilya kumwe nonomboroto dokudira kutura yifuliso. Tomu dwara nonkaku mu liwapaikire kuza. Masiku ganaina tani mu gusa mo moupika.’ Gazara tupu omu va hefe Vaisraeli.

Pokatji komasiku muengeli gwaJehova ta zi momambo goVaegipite. Momambo aga va dilire kukwita honde pomavero, nombeli kwa fire. Nye muengeli kwa pitakanene mambo aga va kwitire honde. Nkenye epata lyomoEgipite kwa fisire mbeli. Nye kwato mbeli zoMuisraeli za fire.

Mbeli zaFarawo nage kwa fire. Farawo kapi ga vhulire kuyilididimikira. Makura ta tantere Mosesa naArona asi: ‘Pwageni mo omu. Zendeni mu ka karere Karunga gweni. Pitureni noyimuna yeni!’

 Ako kwedi kuna kukumonenena nakunye, Vaisraeli yipo va pwege moEgipite va ze. Vagara kwa sikire 600 000 ntani vakadi novanona wovanzi. Ntani mbunga zonene zovantu wopeke kwa zire nawo yipo va ka karere Jehova. Vaisraeli va va gusire mo moupika!

Mokudiworoka omu ga va zowere Jehova, awo ngava dana nkenye mvhura sipito. Esi ngava tumbura asi Paska.

“Ame kwa ku tumbira negano eli asi nonkondo dange di monekere moge nedina lyange asi ngali divikwire po mouzuni naunye.”—Varoma 9:17