Zende koyikaramo

Zende koyikaramo

Nombangi daJehova

Horowora eraka Rukwangali

 SIRONGWA 7

Ruhungu rwaBabironi

Ruhungu rwaBabironi

Konyima zoRuhanzo, vana vaNowa novakadi vawo kwa retere vanona wovanzi. Makura tava tameke kulihanena pevhu, ngamoomu ga va tanterere Jehova.

Nye vamwe kapi va limburukwire Jehova. Awo kwa tente asi: ‘Tu tungeni po sitata makura ngatu kare mo. Tu tungeni ruhungu rorure rokukasika meguru. Ngatu fumanene po.’

 Eyi va rugene vantu kapi ya hafesere Jehova, yipo ga tokwere kuvahagekesa. Ono diva eyi ga rugene ndi? Jehova kwa piyaganekere vantu owo va uyunge maraka gokulisiga-siga. Makura apa va dilire kulizuvha, yipo va hagekere kutunga ruhungu. Sitata esi va here kutunga kwa si rukire asi Babironi, kutanta asi “Epiyagano.” Yipo vantu va tamekere kuligaunuka nokulihanena evhu nalinye. Nye awo kwa twikilire kurugana udona. Ngoso kwato ogu ga here Jehova ndi? Natu ka gwana elimbururo mosirongwa sokukwama ko.

“Ogu a linenepeke mwene, kumununupika, ano ogu a linunupike mwene, kumunenepeka.”—Rukasa 18:14