Zende koyikaramo

Zende koyikaramo

Nombangi daJehova

Horowora eraka Rukwangali

 SIRONGWA 80

Jesus ta horowora vapositoli 12

Jesus ta horowora vapositoli 12

Konyima zapa Jesus ga zuvhisire mvhura zimwe noukahe, ga hepere kutura po etokoro lyomulyo. Wolye ga hepere kuhorowora va rugane nage? Wolye ga hepere kudeura va pitisire mbungakriste? Mokutura po matokoro ogo, Jesus ga hepere evyukiso lyaJehova. Ta zi kondundu, nokukakanderera masiku mudima. Ngurangura, Jesus ta zigida varongwa vendi makura ta horowora po 12 va kare vapositoli. To diworoka madina gawo? Madina gawo gaaga: Peturusa, Andiliyasa, Jakopo, Johanesa, Filipusa, Baratoromeusa, Tomasa, Mateusa, Jakopo zaArufeusa, Tadeusa, Simoni ntani Judasa Isikalyoto.

Andiliyasa, Peturusa, Filipusa, Jakopo

Vapositoli 12 ngava gendi kumwe naJesus. Konyima zokuvadeura, ta va tumu va ka zuvhise. Jehova ga va pere nonkondo dokutjida nompepo donondona nokuverura vaveli.

Johanesa, Mateusa, Baratoromeusa, Tomasa

Jesus kwa tumbwire vapositoli 12 asi vakaume vendi ntani ga va huguvarere. Vafalisayi kwa gazarere asi vapositoli kapi va lironga ntani asi vantuuntu tupu. Nye Jesus ga va dewire kosirugana  sina. Awo kwa kere naJesus siruwo nasinye, komeho a ka fe ntani konyima zevhumbuko lyendi. Ngwendi Jesus, sinzi sovapositoli 12 kwa tundilire moGalireya. Vamwe kwa kwere.

Jakopo zaArufeusa, Judasa Isikalyoto, Tadeusa, Simoni

Vapositoli owo kwa kere vantu wokudira kusikilira mo ntani nawo ngava lipuka. Poyiruwo yimwe, ngava uyunga va hana kugazara nawa nokutura po matokoro gomadona. Ano pamwe, kapi ngava lididimikire. Awo ngava lipatana asi yilye po gomulyo po mokatji kawo. Nye awo kwa kere vantu wovawa ava va here Jehova. Awo kwa tulisire po nombungakriste konyima zapa Jesus ga tengwire meguru.

“Ame kumutumbura asi vakwetu, yeeyi na mu horwera nayinye eyi na zuvha mwaTate”—Johanesa 15:15