RUHA 3
Nompango doUhompa
TO MORORA musinda goge. Nage ta ku morora nokukupyata o ze kwendi. Age ga yi dimburura asi nove nepata lyoge mwa lisiga nomapata gapeke. Ta tanta asi: “Koyili yimwe nina hara kudiva, morwasinke mwa lisigira novantu wopeke?” To mu pura asi: “Ngwendi ngapi?” Ta ku limburura asi: “One kapi mwa lifana nomaukareli gopeke ntani kapi omu dana mapwizumuko ndi mu lihameke moupolitika nomoyita. Kapi omu koko makanya. Ntani epata lyeni kwa kara nonkareso zongwa. Na yi diva asi one Nombangi daJehova, nye yisinke ayi mu ninkisa mu lisige novantu wopeke?”
Elimbururo kuna kara asi: Morwa ose kukwama nompango doUhompa waKarunga. Hompa gwetu Jesus kutukuhura. Age kutuvatera tu kwame sihonena sendi, yipo tu lisige nouzuni ou woudona. Moruha oru, tatu ka mona omu Uhompa woUmesiyasa wa kuhwire ndi wa wapukwilire mapuliro nonkareso nongendeseso zombunga zovantu vaJehova Karunga yipo va mu yererepeke.
MORUHA ORU
EGAUNUNO 10
Hompa ta wapukurura mapuliro govantu vendi
Malikwatakano musinke ga kara po pokatji koKrismesa nosikuruse?
EGAUNUNO 11
Kuwapukurura nkareso
Nonzugo denomeneno ntani marungavero gontembeli zemoneko eli ga mwene Hesekiyeli kwa sikilira mo kutunda mo-1914.
EGAUNUNO 12
Kuwapukurura nongendeseso dombunga ‘zaKarunga gombili’
Bibeli kwa kapi ga hetakanesere epiyagano nouumwe, nye kwa li hetakanesere nombili. Morwasinke? Ntani ngapi elimbururo ali kundama Vakriste?
