Zende koyikaramo

Zende koyikaramo

Nombangi daJehova

Horowora eraka Rukwangali

Ove kuna kundindira nononkondo mokukamona matumbwidiro goUhompa kuna kusika mo ndi?

 RUHA 7

Matumbwidiro goUhompa—Kuninka nayinye yi kare yoyipe

Matumbwidiro goUhompa—Kuninka nayinye yi kare yoyipe

 TO NYANGA siapeli sokupya komutayi. To si fumbwire komeho o si ture mosipako. Ove kuna rugana novili dononzi, nye simpe kapi ono kulizuvha eroroko. Onane woge kuna kara pepi nositji sosiapeli, kuna kurugana noruhafo kumwe nava vemepata novakaume ava vana kuvavatera kunyanga yiapeli. Onane woge awo vadinkantu, moomu va kere apa wa kere munona nomvhura dina ka pita. Kapi ono kuyipura asi awo kwa kurupire mouzuni wanare. Wa va mwene omu vana kuvera, nokuvakwata kewoko apa va fire, ntani wa lilire unene. Ano ngesi vazuni ntani vandjewa-ndjewa kumwe novakwaawo hena!

Twa yi diva asi mazuva gangoso ngaga wiza. Ose twa yi diva oyo morwa matumbwidiro gaKarunga nkenye apa kusika mo. Moruha oru, tatu ka konakona omu matumbwidiro gamwe goUhompa ngaga ka sika mo, noyihorokwa eyi ngayi twaredesa koyita yaHarumagedoni. Tatu ka konakona hena matumbwidiro gamwe goUhompa aga ngaga ka sika mo konyima zaHarumagedoni. Ee ruhafo musi ngatu kara naro mokumona apa Uhompa waKarunga ngau pangera evhu nalinye nokukaninka nayinye yi kare yoyipe!

MORUHA ORU

EGAUNUNO 21

Uhompa waKarunga tau gusa po nonkore dawo

Ngesi kuvhura o liwapaikire yita yaHarumagedoni.

EGAUNUNO 22

Uhompa tau sikisa mo mpango zaKarunga pevhu

Ngapi omu ono yi diva asi matumbwidiro gaJehova ngaga ka sika mo?