Zende koyikaramo

Nombangi daJehova

Horowora eraka Rukwangali

Yilye ana kupangera uzuni?

Yilye ana kupangera uzuni?

Ngapi ono kugazara . . .

  • Karunga?

  • ndi vantu?

  • ndi Satana?

 EYI AZI UYUNGA BIBELI

“Uzuni mudima kwa kara mepangero lyoMuzonaguli.”—1 Johanesa 5:19.

“Eyi yiyo ga wizilire MunwaKarunga . . . a ya haraganese po yirugana yoMuzonaguli.”—1 Johanesa 3:8.

MULYO GONONKANGO ODO

Kutulikida eyi maudigu gana vhukire mouzuni ou.—Ehororo 12:12.

Kutupa ehuguvaro asi uzuni ou ngau wapa hena.—1 Johanesa 2:17.

 KUVHURA TU PURE EYI ZA UYUNGA KO BIBELI NDI?

Tu tareni nokonda ntatu:

  • Upangeli waSatana ngau haga po. Jehova ga tokora kuhagekesa po upangeli waSatana. Age ga tumbwidira asi nga ‘hanagura Satana’ nokugusa po maudigu nagenye aga ga retesa po.—Vahebeli 2:14.

  • Karunga ga horowora Jesus Kristusa a kare mupangeli gouzuni. Jesus kapi ga lifana nomupangeli gouzuni ou gonyanya. Kombinga zoupangeli waJesus, Karunga kwa uyungire asi: “Age kuretera nkenda varupiranonkondo novahepwe . . . Age kuvayoworora mompatakani nomomahepeko.”—Episarome 72:13, 14.

  • Karunga kapi a kumbagere. Bibeli kutanta asi Karunga “ga ha vhuru kukumbagera.” (Vahebeli 6:18) Jehova kusikisa mo nkenye apa matumbwidiro gendi. (Jesaya 55:10, 11) “Mupangeli gouzuni ou ngava mu zundwira ponze.”—Johanesa 12:31.

 GAZADARA KO

Ngapi ngau fana uzuni apa ngava hagekesa po upangeli waSatana?

Bibeli kugava elimbururo mEPISAROME 37:10, 11 ntani mEHORORO 21:3, 4.