Zende koyikaramo

Nombangi daJehova

Horowora eraka Rukwangali

Ngapi ngali ka kara eparu komeho?

Ngapi ngali ka kara eparu komeho?

Ou uzuni . . .

  • ngorooro ngau kara?

  • ndi ngau donapa?

  • ndi ngau wapa?

 EYI AZI UYUNGA BIBELI

“Karunga nga kokota mahodi nagenye komeho gawo. Nomfa kapi hena ngadi kara ko, neguwo si nomalirankali nokukora kapi ngayi kara ko hena, yeeyi yininke yomuhowo yina dimi po.”—Ehororo 21:3, 4.

MULYO GONONKANGO ODO

Ngatu hafera yirugana yetu.—Jesaya 65:21-23.

Kapi ngaku kara mauvera ndi ruhepo.—Jesaya 25:8; 33:24.

Ngatu hafa narunye novakaume nomapata getu.—Episarome 37:11, 29.

 KUVHURA TU PURE EYI ZA UYUNGA KO BIBELI NDI?

Tu tareni nokonda mbali:

  • Karunga kusikisa mo matumbwidiro gendi. MoBibeli Jehova Karunga yige gelike va tumbura asi “Munankondo nadinye.” (Ehororo 15:3) Yipo nye age nga sikisa mo matumbwidiro gendi gokuwapukurura uzuni ou. Bibeli hena kutanta asi “kwaKarunga nayinye ureru.”—Mateusa 19:26.

  • Karunga kwa kara neharo lyokusikisa mo matumbwidiro gendi. Jehova nga yi “hafera” yokuvhumbura vantu koufe.—Joba 14:14, 15.

Bibeli nazo za tumbura asi Jesus, MunwaKarunga, nga verura vaveli. Morwasinke? Morwa eharo. (Marukusa 1:40, 41) Ngwendi oguhwe, Jesus ga kere neharo lyokuvatera vantu.—Johanesa 14:9.

Kuvhura tu kare nehuguvaro asi Jehova naJesus kuna hara kutuvatera ngatu hafere eparu lyewa komeho!—Episarome 72:12-14; 145:16; 2 Peturusa 3:9.

 GAZADARA KO

Ngapi Karunga nga wapukurura uzuni?

Bibeli kugava elimbururo mwaMATEUSA 6:9, 10; ntani NDANIYERA 2:44.