Zende koyikaramo

Zende koyikaramo

Nombangi daJehova

Horowora eraka Rukwangali

Mbilive zokutunda koMbungagendesi

Mbilive zokutunda koMbungagendesi

‘Kareni varongi wononkango.’ (Heb. 5:12) Jehova Murongi gomunene po, kwa tu pa situmbukira somulyo unene sokuronga vantu kumuhamena. Aso sirugana somulyo mokuronga vantu usili kuhamena Jehova, yi kare asi mepata ndi mombungakriste ndi mokuzuvhisa. Ngapi natu yi sikisa mo moomu ya wapera?

Elimbururo kuligwana mononkango daPaurusa edi ga tjangerere Timoteusa asi: “Kovekeda ngorooro kuresa matjangwa nkenye apa, oku to korangeda nokuronga.” Paurusa kwa tente hena asi: “Nsene o yi rugana, ngo paruka kumwe nava vana kukupurakena.” (1 Tim. 4:13, 16) Mbudi ezi atu zuvhisa ngazi parura vantu. Yipo nye, litura mo unene o dive kuresa nokuronga nawa. Mbapira ezi, tazi ka ku vatera o dive omu no yi rugana oyo. Koneka eyi ya kara mo.

Etjangwa lya kara pwankenye epenuno kuvhura li kare mpango zomoBibeli ezi za liza nosirongwa ndi sihonena esi sa likida omu no tura pasirugana sirongwa oso

Jehova yige ‘Murongi’ gomunene po. (Jes. 30:20) Nampili ngomu mbapira ezi ngazi ku vatera o dive kuresa nokuronga nawa, nye diworoka asi ose kuzuvhisa mbudi zokutunda kwaJehova ntani yige a koko vantu. (Joh. 6:44) Yipo nye, kanderera nkenye apa kwaJehova a ku pe mpepo zokupongoka. Ruganesa unene Nonkango daKarunga mevango lyokuuyunga magano ganyamoge. Ronga nawa yipo vantu va hare unene Jehova.

Ove kwa ku pa situmbukira sokuronga vantu mbudi zomulyo po. Tuna si huguvara asi ‘nonkondo daKarunga’ ngadi kuvatera yipo ngayi ku tompoke.—1 Pet. 4:11.

Varongi vakweni,

Mbungagendesi zoNombangi daJehova