Zende koyikaramo

Zende koyikaramo

Nombangi daJehova

Horowora eraka Rukwangali

Meho zokutetura

Meho zokutetura

Satana novademone ntaantani ngava va mange

Satana novademone vendi kapi ngava pempura vantu navenye siruwo sosire hena. Jehova ga va zuguma mo nare meguru. (Ehororo 12:9) Komeho zopepi Karunga nga rwisa hena Satana novademone vendi. Memoneko lyaKarunga mupositoli Johanesa kwa tente asi: “Ame kwa mwene muengeli ana kutunda meguru, age ana kwaterere nsapi zosirongo sokonhi nemulyenge lyemunene momawoko gendi. Age makura ta kwata emukongoro—emuzoka lyanare, alyo yilyo Muzonaguli, Satana—age yiyo ana li manga li kare monomango nomumvho eyovi limwe. Age makura ta li zugumine mosirongo sokonhi, ta patesesa ko sinongweneso, asi li dire kupukisa nomuhoko dogoro noku ngadi pita nomumvho eyovi limwe.” (Ehororo 20:1-3) Konyima Mudiyaboli novademone vendi ngava va zonagura po narunye.—Ehororo 20:10.

Vantu wovadona kontunda zevhu nawo ngava va zonagura po.—Mapisarome 37:9, 10; Rukasa 13:5.

 Vafe ngava paruka hena!

Vafe ngava vhumbuka nokuparuka hena kontunda zevhu

Konyima nsene Satana novademone vana va gusa po, Jehova nga retera vantu navenye matungiko gomanzi. Ove noyikoneka asi vafe kwa kara va hana mwenyo, kapi va kara po. Jesus kwa hetakanesere nomfa nonompofu—nompofu dakahura ko da hana nonzodi. (Johanesa 11:11-14) Age kwa di hetakanesere nonompofu morwa ga divire asi siruwo ngasi wiza apa ngava pindura ava vana rara monomfa. Age kwa tente asi: “Siruwo ngasi wiza, . . . apa navenye ava va kara monontoko, makura tava pwaga mo.”—Johanesa 5:28, 29; hetakanesa Yirugana 24:15.

Awo ngava va vhumbwira paapa pevhu. Mevango lyomazuvhiso asi vantu kava fire, nombudi da zura ruhafo ngadi simwitira ava vana vhumbwire mwenyo! Eh ruhafoke ngaru kara rokutambura ogu wa hara a tunde montoko!