Zende koyikaramo

Zende koyikaramo

Nombangi daJehova

Horowora eraka Rukwangali

 SIRONGWA 3

Omu va u gwene hena usili womoBibeli

Omu va u gwene hena usili womoBibeli

Valirongi woBibeli mo-1870

Sifo sokuhova soRuhungu mo-1879

Ruhungu rwanaina

Bibeli kwa pumba asi konyima zonomfa daKristusa, varongi woyimpempa ngava wiza mombungakriste nokupempura marongo goBibeli. (Yirugana 20:29, 30) Oyo yiyo ya ya horokere. Awo kwa vhongere marongo gaJesus naga govapagani, nokutota po ngereka zoVakriste woyimpempa. (2 Timoteusa 4:3, 4) Ngapi natu diva asi eyi tuna kulironga kuna kara eyi azi rongo Bibeli sili?

Siruwo saJehova sa sikire sokuhorora usili. Age kwa pumbire asi posiruwo souhura, vantu ‘ngava kwata egano’ usili. (Ndaniyera 12:9, 10) Momvhura 1870, pwa kere kambunga kovantu aka ka nongwenene asi marongo gomanzi gonongereka kapi ga lizire noBibeli. Yipo va tamekere kupapara usili womarongo goBibeli, ano Jehova ga va vaterere va kwate egano Bibeli.

Vagara kwa konakonene Bibeli nelituromo. Valirongi woBibeli vena vanare kwa ruganesere ngendeseso zokulironga ezi atu ruganesa neli ezuva. Ngava konakona erongo limwe lyoBibeli posiruwo. Nsene velise zimwe zoBibeli kapi vana kuzikwata egano, awo ngava papara novelise dapeke mokuzifaturura. Apa ngava dimburura asi erongo lyongandi lina lizi noMatjangwa nagenye gapeke, awo ngava li tjanga. Pokuruganesa ngendeseso ozo zokukonakona Bibeli, awo va gwene hena usili wokuhamena edina lyaKarunga noUhompa wendi, nositambo sendi kevhu nokovantu, noukaro wovafe ntani nehuguvaro lyevhumbuko. Epaparo lyawo kwa va zowere komarongo nokonompo doyimpempa.—Johanesa 8:31, 32.

Momvhura 1879, Valirongi woBibeli kwa nongwenene asi siruwo sa sikire mo sokudivisa usili. Momvhura ozo yipo va tamekere kutjanga sifo Ruhungu kudivisa Uhompa waJehova esi tuna kuhanesa neli ezuva. Ngesi ose kuna kudivisa marongo goBibeli moyirongo yokupitakana po-240 nomomaraka gokupitakana po-750. Ngesi ediwo lyousili lina vhuka kupitakana pwanare!

  • Konyima zonomfa daKristusa, yisinke ya horokerere usili womoBibeli?

  • Yisinke ya tu vatera tu kwate egano hena usili womoNonkango daKarunga?