Zende koyikaramo

Zende koyikaramo

SIRONGWA 03

Kuvhura o huguvare Bibeli ndi?

Kuvhura o huguvare Bibeli ndi?

Bibeli kwa kara mo matumbwidiro gomanzi ntani kugava magano gomawa. Nampo ono hara kudiva ko eyi azi rongo, nye ono kara hena nowoma. Kuvhura o huguvare momatumbwidiro nomagano gomobuke ezi zanare ndi? Wa yi pura eyi za uyunga ko Bibeli kuhamena kuhafera eparu ngesi ntani komeho ndi? Mamiliyona govantu ga yi pura. Nove litulira po siruwo sokuzikonakona.

1. Eyi va tjanga moBibeli usili ndi?

Bibeli kutanta asi azo kwa kara ‘nononkango dousili.’ (Muudisi 12:​10) Azo kwa simwitira yihorokwa eyi ya horokerere sili vantu. (Resa Rukasa 1:3; 3:1, 2.) Vasimaguli novanahistoli va gwana asi mazuva novantu nomavango ntani noyihorokwa eyi va tumbura moBibeli, usili.

2. Morwasinke Bibeli za karera buke zomulyo?

Bibeli kwa uyunga yininke eyi va dilire kudiva vantu posiruwo esi va zi tjenge. Pasihonena, azo kwa tumbura yininke yimwe kuhamena unsitwe. Sinzi soyininke oyo vantu kapi va yi pulire apa va zi tjenge. Nye valirongi, va yi kwatesa ko asi eyi za uyunga Bibeli usili. Azo kuvhura ‘kuzihuguvara ngesi ntani narunye.’​Mapisarome 111:​7, 8.

3. Morwasinke natu huguvarera eyi za uyunga Bibeli kuhamena yokomeho?

MoBibeli kwa kara mo mauporofete * aga va ‘pumbire komeho yininke oyo yi horoke.’ (Jesaya 46:​10) Azo kwa vyukilira kupumba yihorokwa yokomeho, komeho yi ya horoke. Azo kwa tumbura hena maukaro aga gana kuhorauka ngesi mouzuni. Mosirongwa esi, tatu ka konakona mauporofete gamwe gomoBibeli. Ayo kutetukisa omu ga sikilira mo!

LIRONGA KO YOYINZI

Konakona omu valirongi va kwatesa ko Bibeli ntani rugana ko mapaparo kuhamena mauporofete gomoBibeli.

4. Valirongi kwa kwatesa ko Bibeli

Pwanare, vantu kwa yi pulire asi evhu kwa tentama posininke songandi. Likida VIDIYO.

Koneka eyi va tjenge mobuke zaJoba nomvhura 3 500 da ka pita. Resa Joba 26:​7, makura zogereni epuro eli:

  • Morwasinke nonkango edi asi evhu kwa kara “pevega lya hana yuma” adi tetukisire?

Ngesi pana piti nomvhura 200 kutunda apa vantu va ya kwete nawa egano omu mema aga likunduruka pevhu. Nye tara eyi za uyunga Bibeli nomvhura 3 500 da ka pita. Resa Joba 36:​27, 28, makura zogereni mapuro aga:

  • Morwasinke ayi tetukisire omu aga likunduruka mema pevhu?

  • Novelise edi ono resa, dina nkondopeke epuro lyoge moBibeli ndi?

5. Bibeli za pumba yihorokwa yomulyo

Resa Jesaya 44:​27-28; 45:​1-2, makura zogereni epuro eli:

  • Mauzera musinke Bibeli za geve nomvhura 200 da ka pita kuhamena ezonauko lyaBabironi?

Ehistoli kwa likida asi hompa Koresi goVaperesiya novakwayita vendi kwa fundire Babironi momvhura 539 komeho a wize Jesus pevhu. Awo kwa simine mukanko va pwilike mukuro ogu gwa kundurukidire sitata. Ntani kwa ya hwililire mositata nokusizonagura va hana kurwa, morwa Vababironi kapi va zedilire mavero gositata sawo. Ngesi pana piti nomvhura 2 500, Babironi simpe ha za zungurukira. Tara eyi za uyunga ko Bibeli.

Resa Jesaya 13:​19, 20, makura zogereni epuro eli:

  • Ngapi omu uporofete ou wokuhamena Babironi wa sikire mo?

Erunda lyositata saBabironi moIraq

6. Bibeli kwa pumba yininke eyi tuna kumona naina

Bibeli kutumbura siruwo esi tuna kuparuka asi ‘mazuva gopouhura.’ (2 Timoteusa 3:1) Tara eyi za uyunga ko Bibeli kuhamena mazuva gopouhura:

Resa Mateusa 24:​6, 7, makura zogereni epuro eli.

  • Yisinke za uyunga ko Bibeli eyi ngayi horoka pomazuva gopouhura?

Resa 2 Timoteusa 3:​1-5, makura zogereni mapuro aga:

  • Nonkareso musinke za tumbura Bibeli vana kulikida vantu pomazuva aga gopouhura?

  • Nonkareso musinke o mono?

VAMWE KUTANTA ASI: “Bibeli buke zomasimwititi ntani zonongano.”

  • Maumbangi musinke gana kukuninkisa o yi pure asi eyi azi uyunga Bibeli usili?

YINKE ONO LIRONGO?

Ehistoli nounsitwe ntani mauporofete kulikida asi kuvhura o huguvare Bibeli.

Erugururomo

  • Eyi va tjanga moBibeli usili ndi?

  • Ngapi omu unsitwe wa kwatesa ko Bibeli momaruha gamwe?

  • Bibeli za uyunga eyi ngayi ka horoka komeho ndi? Yinke za uyunga?

Heteka eyi

MAUZERA GAMWE

Eyi za uyunga ko Bibeli kuhamena unsitwe yipempa ndi?

“Valirongi va kwatesa ko Bibeli ndi?” (Sirongwa sokojw.org)

Yisinke yina kulikida asi ose kuna paruka “pomazuva gopouhura”?

“Mauporofete gomoBibeli 6 ono kumona gana kusikilira mo” (Ruhungu, 1 Pembankuru 2011)

Tara omu mauporofete goBibeli kuhamena mupangeli goVagereka ga sikire mo.

“Mbudi ezi va udisa vaporofete” kunkondopeka 5:​22

Tara omu mauporofete goBibeli ga tjindjire mutaro gomugara gumwe kuhamena Bibeli.

“Kapi nayi pulire asi Karunga pweli” (Ruhungu No. 5 2017)

^ para. 9 Mauporofete kuna kara nombudi edi ngadi tundu kwaKarunga kuhamena yihorokwa yokomeho.