Zende koyikaramo

Zende koyikaramo

Nombangi daJehova

Horowora eraka Rukwangali

Mbilive zokutunda koMbungagendesi

Mbilive zokutunda koMbungagendesi

Kwava va hara Jehova:

Jesus kwa tente asi: “Ngomu kwata egano usili, awo ngau mu zowora.” (Johanesa 8:32) Eh, omu tupu adi korangeda nonkango odo! Yimo, kuvhura kudiva usili nampili ‘momazuva gopouhura’ gomadigu omu muna zura yimpempa. (2 Timoteusa 3:1) Kuvhura o diworoke apa wa dimbwilire usili ngomu va u faturura moNonkango daKarunga ndi? Ayo sili ya ku hafesere unene!

Nye nampili ngoso, moomu tupu ya kara nomulyo mokukara nediwo lyene-lyene lyousili ntani nomokulihameka mo nkenye apa mokutantera ko wopeke kuhamena ediwo eli, yimo tupu hena twa hepa kuparuka kuliza nousili. Pokuyirugana eyi, twa hepa kukara meharo lyaKarunga. Yisinke ya kwatera mo eyi? Nonkango daJesus edi ga uyungire momasiku komeho zonomfa dendi kwa limburura epuro eli. Age kwa tanterere vapositoli vendi wovalimburukwi asi: “Nsene mu sikisa mo yipango yange, tomu kara meharo lyange, moomu ani sikisa mo yipango yaTate, yiyo na kara meharo lyendi.”—Johanesa 15:10.

Koneka asi Jesus kwa kere meharo lyaKarunga pokusikisa mo yipango yoGuhwe. Nose twa hepa kurugana yokulifana naina. Mokuninka asi tu kare meharo lyaKarunga, twa hepa kuruganesa usili ou meparu lyetu lyankenye ezuva. Mongurova zozina, Jesus kwa tente asi: “One vanerago ntene mu diva yininke eyi, nye mu yi rugane.”—Johanesa 13:17.

Tuna si huguvara asi buke ezi ngazi ku vatera mokutwikira kuruganesa usili ou meparu lyoge nokukuninka o kare ‘meharo lyaKarunga eli ngali ku twaresa komwenyo gwanarunye.’—Juda 21.

Mbungagendesi zoNombangi daJehova