Zende koyikaramo

Zende koyikaramo

Nombangi daJehova

Horowora eraka Rukwangali

 MAGWEDEREROKO

Funda nkareso zokulidanesa koyilyo yonomuga

Funda nkareso zokulidanesa koyilyo yonomuga

Kulidanesa koyilyo yonomuga kuna kara nkareso ezi azi dili kuhafesa Karunga, ntani azo kutunga po nkareso zokuhara kulihafesa tupu mwene nokuzonagura nondunge dendi. Muntu ogu a lidanesa koyilyo yonomuga kuvhura a tare vantu wopeke ngwendi yiruganeso tupu yokuhafesa madowo gendi gopanyama. Moruhura, kuvhura a tare asi eligwanekero panyama kapisi ngelikido lyeharo pokatji kovantu vavali, nye ngonkedi zokulihafesa tupu nokugusa po madowo gendi. Nye elihafeso olyo lyopokaruwogona tupu. Kulidanesa nyamoge koyilyo yonomuga kapi ayi dipaga po madowo “ngwendi gaga: ruhonda, nonyata noruho” nye kugapindura.—Vakorosi 3:5.

Mupositoli Paurusa kwa tjenge asi: “Vakwetu ava na hara, . . . atu lizereseni nyamwetu kwanayinye eyi ayi nyateke korutu nokomwenyo. Tu kondjereni po etjiroKarunga.” (2 Vakolinte 7:1) Nsene kuna kukudigopera mokusikisa mo nonkango edi, ya ha kunyegenyesa. Jehova ga liwapaikira ‘mokudongonona po nonzo,’ ntani nokukuvatera. (Episarome 86:5; Rukasa 11:9-13) Elizuvho usima nelituromo lyoge lyokuhageka nkareso ozo nampili ngomu o lipuka pamwe ayo kulikida nkareso zongwa. Diworoka hena asi, “Karunga ga pitakana nye nomutjima detu, age ga  diva nayinye.” (1 Johanesa 3:20) Karunga kapi a tara tupu nonzo detu, age kutara muntu namunye. Mokumona asi age ga diva nayinye kutuhamena age kuvhura kuzuvha nonkenda mahundiro getu gegusiropo. Yipo nye, wa ha roroka mokukanderera kwaKarunga nelinunupiko nelituromo, ngwendi muna ogu a zi koguhwe nsene moudigu ana kara. Jehova nga ku pa ezwi lyewa lyokomutjima. (Episarome 51:1-12, 17; Jesaya 1:18) Rugana ko yuma mokuliza nomakanderero goge. Pasihonena, ove ngo kondja mokunyokera po nkenye rupe romafano goruhonda kumwe hena novakaume wovadona. *

Nsene udigu woge wokulidanesa koyilyo yonomuga u twikira, uyunga kumwe nomukurona goMukriste ndi ogu ga kura pampepo ndi kaume koge gomuwa. *Yisewe 1:8, 9; 1 Vatesaronika 5:14; Titusa 2:3-5.

^ para. 2 Ayo ya wapa kutura kompiuta monzugo zanavenye yipo vemepata va dire kugwana mpito zokutara mafano gokunyata. Mokugwederera ko, mapata gamwe kuranda malikwamo gomokompiuta aga aga kandana mafano gokunyata ga dire kumoneka po. Nampili ngoso, malikwamo gangoso kapi tatu vhuru kugahuguvara nawa-nawa.

^ para. 1 Komagano gomawa omu no vhura kufunda kulidanesa koyilyo yonomuga, tara sirongwa moAwake! zaMangundu 2006 posiparatjangwa asi: “Young People Ask . . . How Can I Conquer This Habit?” ntani mobuke Questions Young People Ask—Answers That Work, pepenuno 178-182, Ruha 1.