Zende koyikaramo

Zende koyikaramo

Nombangi daJehova

Horowora eraka Rukwangali

Esimwititi 21: Vakuru vaJosefa tava mu nyenge

Esimwititi 21: Vakuru vaJosefa tava mu nyenge

TARA asi ngapi oko kamati omu kana guvu ntani ka hana ehuguvaro. Ako yiko Josefa. Vakuru vendi vana mu randesa kovagara ava vana kuza koEgipite. Okwina Josefa tava ka mu ninka a ka kare mupika. Morwasinke vakurugona vendi va ruganenene sininke sosidona ngesi? Morwa awo ngava zuvhire Josefa mfudu.

Josefa kuna kumurandesa vakuru vendi

Guhyawo Jakopo kwa here Josefa unene-nene. Age kwa mu likidire eharo pokumuhonzera erwakani lyere lyewa sili. Vakuru vendi 10 apa va mwene asi ngapi omu Jakopo ga here Josefa, makura tava tameke kufira Josefa mfudu nokumunyenga. Nye pwa kere konda zimwe hena ezi va mu nyengerere.

Josefa kwa rotere nonzodi mbali. Mononzodi nadinye daJosefa edi mbali vakuru vendi kwa mu nyongamenene. Josefa apa ga tanterere vakuru vendi nonzodi edi, nyengo zawo kwendi tazi kuru hena unene.

Makura ezuva limwe awo vakuru vaJosefa kuna kulisa nonzwi daguhyawo, Jakopo ta tumu Josefa a ka tare vakuru vendi asi ngapi omu vana kupindukira. Vakuru vaJosefa apa vana mu mono ta wiza, vamwe po tava tanta asi: ‘Tu mu dipageni!’ Nye Rubena, mbeli po, ta tanta asi: ‘Hawe, twa ha yi rugana oyo!’ Montambo zeyi tava kwata Josefa nokumuzuguminametope eli lya pwira mema. Makura tava hingire nokutokora asi yisinke nava mu rugana.

Posiruwo esi makura tapa wiza vagara vamwe woVaisimayeli. Juda ta tantere vakuru vendi novamumbya vendi asi: ‘Tu mu randeseni koVaisimayeli.’ Ano eyi yiyo va rugene. Awo kwa randesere Josefa koyisiliveli 20. Ee, ngapi tupu omu ya kere eyi udona nonyanya!

Vakuru vendi yisinke nava ka tantera guhyawo? Awo tava dipaga sikombo makura tava galinga erwakani lyaJosefa lyewa mohonde zaso. Makura tava twara erwakani kembo kwaguhyawo Jakopo nokutanta asi: ‘Kuna li tora. Li tareni si nsene erwakani lyaJosefa ndi kapisi yilyo.’

Jakopo ta mono asi yilyo. Age makura ta lili asi: ‘Nda sikasama sa lya Josefa.’ Eyi yiyo va here vakuru vaJosefa asi guhyawo a gazare ngoso. Jakopo ta guvu sili unene. Age ta lili mazuva gomanzi. Nye Josefa kapi ana fu. Tu tareni si asi yinke ya mu horokerere oku va mu twere.

Genesis 37:1-35.



Mapuro

  • Morwasinke vakuru vaJosefa va mu zuvhililire mfudu, ntani yinke va rugene?
  • Yinke vana hara vakuru vaJosefa kumurugana, nye yinke ana kuuyunga Rubeni?
  • Yinke yina horoka apa vanangesefa woVaisimayeli vana wiza?
  • Yinke vana rugana vakuru vaJosefa mokuninka guhyawo a gazare asi Josefa ana fu?

Mapuro gokugwederera ko

  • Resa Genesis 37:1-35.

    Ngapi omu Vakriste nava honena sihonena saJosefa pokudivisa yirugana yoyidona mombungakriste?

    Yinke ya twaredesere vakuru vaJosefa mokumurugana udona?

    Yisinke ga rugene Jakopo apa ga kere meguwo, ngamoomu ava yi rugana sinzi sovantu?