Zende koyikaramo

Zende koyikaramo

Nombangi daJehova

Horowora eraka Rukwangali

 KUPARUKA NGOMUKRISTE

Ronga usili womoBibeli

Ronga usili womoBibeli

Ketamekero lyokwedi kwaSitarara, moMbapira zekepongo ngamu hamena ruha rorupe omu no hanesa rosiparatjangwa “Ronga usili womoBibeli.” Sitambo setu ngasi kara sokufaturura usili womoBibeli pokuruganesa epuro ntani etjangwa.

Nsene kuna kulikida elituromo, kuvhura tu ture po mawapaiko gokukatengwira ko pokugava simbapiratjangwa ndi kumulikida vidiyo ko-jw.org/kwn. Twa hepa kuhetekera ko kutengwira ko konyima zomazuva gongandi tu ka twikire nonzogera zetu. Ruha oru rorupe ntani yiuyungwa yomosikora ngava yi gusa mekamo lyankenye egaununo mobuke Yisinke azi rongo Bibeli? Amo kugwana mo mapuro gokugwederera ko nomatjangwa aga naga tu vatera tu ture po matengwiropo ndi tu rugane elirongo pokuruganesa tupu Bibeli.

Nzira zimwe tupu za kara po zokutwara komwenyo. (Mat 7:13, 14) Mokumona asi ose kuuyunga novantu womaukarelikarunga gokulisiga-siga, twa hepa kuruganesa yirongwa eyi nayi pindura eharo lyawo. (1Tim 2:4) Moomu tuna kudiva yirongwa yoyinzi yomoBibeli ntani nokuwapukurura nkedi zetu zokuzuvhisa pokutoona “nawa nonkango daKarunga dousili,” yimo hena ngatu hafa nokututompoka kuronga wopeke usili womoBibeli. —2Tim 2:15.