Zende koyikaramo

Zende koyikaramo

Nombangi daJehova

Horowora eraka Rukwangali

 KUPARUKA NGOMUKRISTE

Kuwapukurura nkedi zetu zokuzuvhisa—Pokuvatera varongwa woBibeli va sike pontambo zokuligava nokugwana ekuho

Kuwapukurura nkedi zetu zokuzuvhisa—Pokuvatera varongwa woBibeli va sike pontambo zokuligava nokugwana ekuho

EYI YA KARERA NOMULYO: Mokuvatambura Jehova, varongwa woBibeli va hepa kuligava kwendi ntani nokugwana ekuho. (1Pet 3:21) Ava ava paruka kuliza neligawo lyawo kugwana epopero lyaJehova. (Epis 91:1, 2) Mukriste ga hepa kuligava kwaJehova kapisi kovantu ndi kosirugana ndi kombunga zongandi. Yipo nye, varongwa va hepa kutunga po eharo lyokuhara Karunga ntani nokumupandura.—Rom 14:7, 8.

OMU NO YI RUGANA:

  • Pelirongo, zogereni nombudi odo asi yisinke dina kuhorora kuhamena Jehova. Mu korangeda a rese Bibeli nkenye ezuva ntani a kanderere “narunye.”—1Tes 5:17; Jak 4:8

  • Korangeda murongwa goge a litulire po sitambo sokuligava nokugwana ekuho. Ntani, mu vatera a litulire po yitambo, ngwendi kulimburura komapongo ndi kuzuvhisira vamusinda novarugani vakwawo. Diworoka asi Jehova kapi a sininike muntu a mu karere. Eligawo kuna kara etokoro lyomuntu mwene.—Deut 30:19, 20

  • Korangeda murongwa goge a ture po marunduruko yipo a hafese Jehova ntani nokuwapera ekuho. (Yis 27:11) Morwa yikara yimwe udigu kuyisiga, wa hepa kutwikira kuvatera murongwa goge goBibeli yipo a zumbe muntu gomukuru-kuru nokugusa muntu gomupe. (Efe 4:22-24) Mu simwitira ko yirongwa yomoRuhungu yosiparatjangwa “Bibeli kurundurura eparu lyovantu”

  • Mu simwitira ruhafo oru wa gwana mokukarera Jehova. —Jes 48:17, 18