Zende koyikaramo

Zende koyikaramo

Nombangi daJehova

Horowora eraka Rukwangali

 KUPARUKA NGOMUKRISTE

Kuwapukurura nkedi zetu zokuzuvhisa—Pokuvatera “ava gwa tumbukira mwenyo gwanarunye” va kare varongwa

Kuwapukurura nkedi zetu zokuzuvhisa—Pokuvatera “ava gwa tumbukira mwenyo gwanarunye” va kare varongwa

EYI YA KARERA NOMULYO: Jehova kuninka usili u kure monomutjima dovantu “ava gwa tumbukira mwenyo gwanarunye.” (Yirug 13:48; 1Kol 3:7) Ose kurugana kumwe nage pokudemenena kwava ava likida elituromo kweyi vana kulironga. (1Kol 9:26) Varongwa woBibeli va hepa kuyikwata egano asi mokukavaparura ntudi va gwane ekuho. (1Pet 3:21) Apa atu rongo vantu Bibeli va ture po marunduruko meparu ntani va zuvhise nokuligava kwaJehova, ose ngoso kuna kuvavatera va kare varongwa.—Mat 28:19, 20.

OMU NO YI RUGANA:

  • Diworokesa ava o lirongo nawo Bibeli asi awo kuna kulironga yipo va “dive” Jehova nokumuhafesa.—Joh 17:3

  • Va vatera va nyokere po nkareso zondona novakaume wovadona yipo va kare nelikwatakano lyewa naJehova

  • Twikira kuvavatera nokuvakorangeda komeho va gwane ekuho nokonyima zekuho.—Yirug 14:22

TARERA VIDIYO JEHOVA KARUNGA NGA KUVATERA, MAKURA LIMBURURA MAPURO AGA:

  • Yisinke nayi ninkisa muntu a dire kuligava kwaJehova nokugwana ekuho?

  • Ngapi vakuronambunga nava vatera varongwa woBibeli va kare nelikwatakano lyewa naJehova?

  • Yisinke natu lirongera mo mwaJesaya 41:10 kuhamena Jehova?

  • Yikara musinke nayi tu vatera tu karere Jehova monkedi ezi a tambura, nampili ngomu twa dira kusikilira mo?

Ngapi atu ruganene kumwe naJehova apa atu tulisa po varongwa?