Zende koyikaramo

Zende koyikaramo

Nombangi daJehova

Horowora eraka Rukwangali

 KUPARUKA NGOMUKRISTE

Omu no kara mukonakoni gomuwa goMatjangwa

Omu no kara mukonakoni gomuwa goMatjangwa

Ngwendi Ndaniyera, ono hara kukara mulimburukwi nampili momaudigu ndi? Ndaniyera kwa konakonene Nonkango daKarunga, kukwatera mo mauporofete gokonhiinhi. (Ndan 9:2) Kukonakona nkenye apa Bibeli ngaku ku vatera o kare mulimburukwi. Monkedi musinke? Ayo ngayi pameka epuro lyoge asi matumbwidiro gaJehova ngaga sika mo. (Jos 23:14) Ayo ngayi ku vatera o kulike eharo lyoge lyokuhara Karunga, eli ngali ku tumangeda o rugane youhunga. (Epis 97:10) Ngapi omu no tameka? Koneka magano gana kukwama ko.

  • Yisinke nani konakona? Kulironga kwa kwatera mo kuliwapaikira yokomapongo. Mokugwanena mo mauwa mereso lyoBibeli lyomosivike ya wapa kulitulira po siruwo sokurugana mapaparo koyitwa eyi ono kudira kukwata egano. Ntani vamwe kulironga mauporofete gomoBibeli ndi yiyimwa yompepo ndi rugendo routumwa romupositoli Paurusa ndi eyi ga sita Jehova. Mwaza ezuva nsene ono kara ko nepuro kuhamena koBibeli, li tjanga ngo li konakone melirongo lyoge lyokukwama ko.

  • Kupi nani gwana mauzera? Mokugwana ko magano gamwe, tarera vidiyo Omu no ruganesa yiruganeso mokupapara ugawo womoBibeli. Mokuheteka ediwo lyoge, rugana epaparo kuhamena yikasama va tumbura mwaNdaniyera egaununo 7, eyi ya fanekesa mapangero gouzuni ou.

  • Siruwo sokuhura kupi nani ruganesa kelirongo lyange? Mokukara nelikwatakano lyewa naJehova, wa hepa kulironga nkenye ezuva. Pokutameka kuvhura o ruganese nominute, nye mwaza siruwo kuvhura o ya ruganese novili. Kulironga Nonkango daKarunga kwa fana ngwendi kuna kupapara emona eli lya horama, moomu no ligwana yimo no twikira kulipapara. (Yis 2:3-6) Ove ngo kara nonzara zoNonkango daKarunga, ntani ngo ya yika kulironga Bibeli nkenye ezuva.—1Pet 2:2.

YISINKE YA FANEKESA YIKASAMA VA TUMBURA MWANDANIYERA EGAUNUNO 7?

MAPURO GAMWE HENA:

Ngapi omu Ndaniyera 7:8, 24 za sika mo?

MELIRONGO LYOGE LYOKUKWAMA KO:

Yisinke ya fanekesa yikasama va tumbura mEhororo egaununo 13?