Zende koyikaramo

Zende koyikaramo

KUPARUKA NGOMUKRISTE

Awo kulizambera va tu vatere

Awo kulizambera va tu vatere

Vatareli wonombunga novakadi vawo kulikida nkareso zokulizambera kwanavenye ava ava dingura. Ngwendi natuvenye, nawo va kara noyihepwa ntani poyiruwo yimwe nawo kudompa nokukara noyinka ntani kuroroka. (Jak 5:17) Nye nampili ngoso, nkenye sivike awo kudemenena mokukorangeda vanavazinyetu womombungakriste ezi nava ka dingura. Yosili, vatareli wonombunga “va fira kuvafumadeka unene.”—1Ti 5:17.

Apa ga here mupostoli Paurusa kukadingura mbungakriste zomoRoma, age kwa here kukavapa “uhwi wopampepo” ntani age kwa ndindilire nononkondo yipo va ka ‘likorangede.’ (Rom 1:11, 12) Wa gazadara ko omu no vhura kukorangeda mutareli gweni gonombunga namukadendi, nsene ga kwara ndi?

TARERA VIDIYO EPARU LYOMUTARELI GONOMBUNGA DOKONOMUKUNDA, MAKURA LIMBURURA MAPURO AGA:

  • Mononkedi musinke vatareli wonombunga novakadi vawo ava likida nkareso zokulizambera kombungakriste?

  • Ngapi omu wa gwanena mo mauwa mosirugana sawo?

  • Ngapi omu natu va korangeda?