Zende koyikaramo

Zende koyikaramo

Nombangi daJehova

Horowora eraka Rukwangali

 KUPARUKA NGOMUKRISTE

Gwanena mo uwa melirongo lyanyamoge lyoBibeli

Gwanena mo uwa melirongo lyanyamoge lyoBibeli

EYI YA KARERA NOMULYO: Elirongo lyanyamwetu lyoBibeli kutuvatera tu ‘dive unene nounaure nomusika nosinko’ sousili womoBibeli. (Efe 3:18) Ayo hena kutuvatera tu kare tuna kuhuka koyirugana youzuni ou ntani nokukwata ‘nonkango domwenyo mawoko gavali.’ (Fil 2:15, 16) Elirongo lyanyamwetu lyoBibeli kutupa mpito tu horowore yirongwa eyi ya liza noukaro wetu. Yisinke natu rugana yipo tu gwanene mo uwa mereso nemelirongo lyetu lyoBibeli?

OMU NO YI RUGANA:

  • Didilika novelise nokutjanga magano aga ono hafere melirongo lyoge lyoBibeli mobuke ndi moselefoni zoge.

  • Ngomu ono kuresa Bibeli lipura nyamoge mapuro aga: Yilye? Yisinke? Siruwoke? Kupi? Morwasinke? Ngapi?

  • Gwana mauzera. Ruganesa yiruganeso yepaparo, o papare sirongwa ndi velise

  • Gazadara ko kweyi ono kuresa o dive omu yina lizi noukaro woge

  • Tura pasirugana eyi ono kulironga.—Ruk 6:47, 48

TARERA VIDIYO ‘KWATA NONKANGO DOMWENYO MAWOKO GAVALI’—KUPITIRA MELIRONGO LYOBIBELI LYANYAMOGE, MAKURA LIMBURURA MAPURO AGA:

  • Ngapi vamwe va faturura elirongo lyawo lyoBibeli?

  • Morwasinke natu tamekera nekanderero komeho zelirongo lyanyamwetu?

  • Yisinke nayi tu vatera tu kwate nawa egano Bibeli?

  • Maruvara musinke natu ruganesa melirongo lyetu lyoBibeli?

  • Morwasinke kuteda ko kweyi tuna lirongo ya karera nomulyo?

  • Ngapi natu ruganesa eyi tuna lirongo?

“Ee, yireru omu na hara Veta zoge! Ame kuziteda ezuva mudima.” —Epis 119:97