Zende koyikaramo

Zende koyikaramo

Nombangi daJehova

Horowora eraka Rukwangali

 KUPARUKA NGOMUKRISTE

Kuwapukurura nkedi zetu zokuzuvhisa—Kutjanga nombilive

Kuwapukurura nkedi zetu zokuzuvhisa—Kutjanga nombilive

EYI YA KARERA NOMULYO: Buke zoVakolinte wokuhova kuna kara zimwe zonombilive 14 domupositoli Paurusa edi ga tjangerere vapuli vakwawo mokuvakorangeda. Apa muntu a tjanga mbilive, age kuhorowora nawa nonkango morwa ogu vana kuzitjangera nga ka ruguruka kuziresa. Nombilive kuna kara nkedi zimwe zokuzuvhisira vanekoro novantu ava twa diva. Ado hena kutuvatera tu zuvhisire vantu ava atu dili kuvhura kugwana nokuuyunga nawo. Pasihonena, tu tante asi muntu ogo kwa likidire elituromo nye udigu kumugwana. Vamwe udigu kuvagwana morwa kwa tunga momambo gomakuma ndi monohositera ndi komavango gokoure. Yininke musinke twa hepa kutura megano nsene kuna kutjangera muntu ogu twa dira kudiva?

OMU NO YI RUGANA:

  • Tjanga ngwendi kuna kuuyunga nogo muntu. Ketamekero lyombilive litumbura nyamoge ntani zeresa sitambo soge. Tura mo epuro eli nali ka mu ninkisa a gazadare ko, ntani mu likida hena asi kuvhura a gwane elimbururo koIntaneta zetu. Mu tantera kuhamena elirongo lyoBibeli lyokoIntaneta ntani asi kuvhura mu ya lirongere pembo lyendi. Tura mo yiparatjangwa yimwe eyi ya kara moyimbapiratjangwa eyi atu ruganesa mokulironga novantu. Mokuferti kuvhura o ture mo sitratate ndi simbapira sezigido ndi kakarata koNombangi daJehova

  • Zi supipika. Wa ha tjanga yoyinzi morwa neisi na ka dira kumana kuziresa.

  • Tjanga nouhaya ntani resurura mo yipo zi kare zina zere, ngazi ka mu rerupire kuresa. Tura ko yitamba yoyinzi kokuferti, yipo zi ka sike usimbu