Zende koyikaramo

Zende koyikaramo

Nombangi daJehova

Horowora eraka Rukwangali

 KUPARUKA NGOMUKRISTE

Ruganesa nawa yimbapiratjangwa

Ruganesa nawa yimbapiratjangwa

Jesus kwa rongere asi: “Mawoko-woko muna yi gwana, none ka yi gaveni mawoko-woko.” (Mat 10:8) Ose kukwama evyukiso olyo apa atu dili kupura vantu mfuto pokuva pa yimbapiratjangwa. (2Kol 2:17) Yimbapiratjangwa yetu mulyo unene morwa kwa kara mo mbudi zomoBibeli. Ntani ayo kukosa ndiro unene pokuyinduruka nokuyituma konombungakriste. Yipo nye twa hepa kugusa tupu eyi tuna hepa.

Ruganesa nondunge nsene kuna kuhanesa yimbapiratjangwa nampili komavango oku ava gendi unene vantu. (Mat 7:6) Mevango lyokugavagera yimbapiratjangwa, kondja o uyunge nomuntu yipo o tare nsene asi ana kara neharo ndi hawe. Konakona mapuro aga gana kara mokakende. Nsene kapi ono kuvhura kudimburura asi muntu ana kara neharo, mu pa sitratate. Makura nsene na hundira simbapiratjangwa sapeke ntani natu mu pa.—Yis 3:27, 28.