Zende koyikaramo

Zende koyikaramo

Nombangi daJehova

Horowora eraka Rukwangali

 KUPARUKA NGOMUKRISTE

Ka lipe mbili namukweni, ngapi no yi rugana?

Ka lipe mbili namukweni, ngapi no yi rugana?

Tu tante asi nove kuna kara moGalireya mosiruwo saJesus. Ruveze rokuza koJerusarema mu ka dane Sipito soYikorogo runa siki. Mositata kuna zura mo vapuli vakweni wokutundilira konodoropa dokulisiga-siga. Ove ono hara kugava nzambo kwaJehova. Makura to vyuka kontembeli ove kuna simbi sikombo sonzambo. Eyi ono ka sika kontembeli, vamwe nare kuna kugava nonzambo dawo. Runa kusika rufo roge rokugava sikombo sonzambo komupristeli, to diworoka asi kweli mukweni gumwe komu lizonene nage. Jesus kwa fatwilire eyi no vhura kurugana. (Resa Mateusa 5:24.) Ngapi omu nomu lipa mbili namukweni ogu komu lizonene nage ngomu ga yi tente Jesus? Pomalimbururo aga gana kukwama ko, didilika po lyouhunga.

OVE NO . . . 

  • uyunga tupu namukweni nsene ono diva konda zomulyo zeyi yina mu koresa

  • hetekera ko kumuvyukisa nsene kuna kumugazarera asi age kuhanduka tupu usimbu ndi no ligusa-gusa mo

  • purakena nawa nelituromo ngomu mukweni ana kupwagesa malizuvho gendi nokuhetekera ko kumukwata egano nokuhundira egusiropo kweyi ono mu koresa

OGU ONO ZONENE NA . . . 

  • tantera ko womombungakriste nayinye eyi ono mu zonene yipo va mu kwatese ko

  • uyunga nehandu yipo o lizuvhe asi mepuko ono kara nokutambura epuko lyoge

  • dimburura elinunupiko lyoge nouradi ou ono likida pokumuhedera ntani nokukugusira po kutundilira komutjima

Yisinke ga here Jesus kuronga kuhamena kulipa mbili novakwetu ntani ukareli ou a tambura Karunga nampili ngomu naina atu dili kugava nonzambo doyikorama moukareli wetu?